მეცხრე მოწვევის პარლამენტის სხდომას უხუცესი წევრი რევაზ არველაძე უძღვება

საქართველოს პრეზიდენტმა გიორგი მარგველაშვილმა სიტყვით გამოსვლის შემდეგ, სიტყვა პარლამენტის უხუცეს წევრს რევაზ არველაძეს გადასცა.

პარლამენტმა დროებითი ხმის დამთვლელი კომისიისა და დროებითი სამანდატო კომისიის კანდიდატურები დაამტკიცა

პარლამენტმა ცენტრალური საარჩევნო კომისიის თავმჯდომარის  თამარ ჟვანიას მიერ წარდგენილი დროებითი ხმის დამთვლელი კომისიის 11 წევრისა და პარლამენტის დროებითი სამანდატო კომისიის 17 წევრის კანდიდატურები დაამტკიცა.

პრეზიდენტი პოლიტიკურ პარტიებს ტერიტორიული მთლიანობის აღდგენის მიმართულებით დიალოგის განახლებას სთავაზობს

საქართველოს პრეზიდენტი გიორგი მარგველაშვილი პოლიტიკურ პარტიებსა და მმართველ პარტიას ტერიტორიული მთლიანობის აღდგენის მიმართულებით ძირითად პრინციპებზე შესათანხმებლად და სახელმწიფო ხედვის ჩამოსაყალიბებლად ფართომასშტაბიანი დიალოგის განახლებას სთავაზობს.

თამარ ჟვანიამ პარლამენტს დროებითი ხმის დამთვლელი კომისიისა და დროებითი სამანდატო კომისიის კანდიდატურები წარუდგინა

ცენტრალური საარჩევნო კომისიის თავმჯდომარემ თამარ ჟვანიამ პარლამენტს დასამტკიცებლად პარლამენტის დროებითი ხმის დამთვლელი კომისიის 11 წევრისა და პარლამენტის დროებითი სამანდატო კომისიის 17 წევრის კანდიდატურები წარუდგინა.

პრეზიდენტი ეროვნული უშიშროების ერთიანი სტრატეგიის შემუშავების ინიციატივით გამოდის

საქართველოს პრეზიდენტი გიორგი მარგველაშვილი გლობალური პოლიტიკური კონტექსტიდან, ქვეყნის წინაშე არსებული გამოწვევებიდან და შავი ზღვის რეგიონში შეცვლილი უსაფრთხოების გარემოდან გამომდინარე, საჭიროდ მიიჩნევს შემუშავდეს ეროვნული უშიშროების ერთიანი სტრატეგია.

პრეზიდენტი: ქვეყნის პრიორიტეტად ევროატლანტიკური ინტეგრაციის პროცესის გაძლიერება და დეოკუპაცია რჩება

საქართველოს პრეზიდენტის გიორგი მარგველაშვილის განცხადებით, ქვეყნის პრიორიტეტად რჩება საქართველოს ევროპული და ევროატლანტიკური ინტეგრაციის პროცესის გაძლიერება, დეოკუპაცია, ოკუპირებული ტერიტორიების არაღიარების პოლიტიკის გაღრმავება და ამ საკითხების გლობალური პოლიტიკის კონტექსტში წარმოჩენა.

პრეზიდენტი მზადაა, პოლიტიკური ნიშნით რეპრესირებულთა საადვოკატო მომსახურება დააფინანსოს

 საქართველოს პრეზიდენტი გიორგი მარგველაშვილი მზადაა სარეზერვო ფონდიდან დააფინანსოს პოლიტიკური ნიშნით რეპრესირებულთა საადვოკატო მომსახურება მათი უფლებების აღსადგენად.

პრეზიდენტი პარლამენტს მართლმსაჯულების სისტემის სტრატეგიის შესამუშავებლად ევროკავშირის მისიის მოწვევისაკენ მოუწოდებს

საქართველოს პრეზიდენტი გიორგი მარგველაშვილი პარლამენტს წინადადებით  მიმართავს  და მოუწოდებს მართლმსაჯულების სისტემის განვითარების სტრატეგიის შემუშავების მიზნით, ასოცირების შეთანხმების სულისკვეთებიდან და მიზნებიდან გამომდინარე, საქართველოში ევროკავშირის სპეციალური დროებითი მართლმსაჯულებისა და კანონის უზენაესობის მისია მოიწვიოს.

პრეზიდენტი მმართველ ძალას ეკონომიკური პრობლემების გადასაჭრელად აქტიური და თამამი მოქმედებისაკენ მოუწოდებს

საქართველოს პრეზიდენტი გიორგი მარგველაშვილი მმართველ პარტიას მიმართავს და ქვეყანაში ეკონომიკური პრობლემების გადასაჭრელად აქტიური და არაორდინალური ნაბიჯებისაკენ მოუწოდებს.

გიორგი მარგველაშვილი: კონსტიტუციის გადახედვისას მთავარი გაწონასწორების მექანიზმების გამყარებაა

საქართველოს პრეზიდენტი გიორგი მარგველაშვილი აცხადებს, რომ  საქართველოს კონსტიტუციის 2013 წლის რედაქცია ხარვეზიანია და გადახედვას საჭიროებს,  მაგრამ  მიაჩნია, რომ  მთავარი და უკვე სამწუხარო ტრადიციად ქცეული ხარვეზი, რომელიც ამ დოკუმენტის დახვეწისას შეიძლება გაჩნდეს, თამაშის წესების რომელიმე პოლიტიკური ჯგუფის ინტერესებზე მორგება იქნება, ამიტომ  კონსტიტუციის გადახედვისას საერთო თანხმობის მიღწევა  აუცილებელია.

სერგი კაპანაძე: „ქართული ოცნება“ პრობლემებზე იმ სიმწვავით და მასშტაბით არ ისაუბრებს როგორც „ნაციონალური მოძრაობა“

გიორგი მარგველაშვილი: ხელისუფლების ჭარბი კონცენტრაცია, საშიშია ყოველგვარი ბოროტი განზრახვის გარეშეც კი

საქართველოს პრეზიდენტი პარლამენტს სახელმწიფოსა და მოქალაქეების ინტერესების გათვალისწინებით თანამშრომლობისა და კონსტრუქციული დიალოგის რეჟიმს სთავაზობს.

ირმა ინაშვილი: პარლამენტში მხოლოდ ჩხუბისთვის არ შევდივარ

პარლამენტის წევრი „პატრიოტთა ალიანსიდან“ ირმა ინაშვილი აცხადებს, რომ მთავარი საკითხი, რომელსაც წამოწევენ,  საარჩევნო სისტემის შეცვლა იქნება. ინაშვილი ამბობს, რომ პარლამენტი ის ადგილია, სადაც მსჯელობენ და ზოგჯერ კამათობენ კიდეც.

ბოკერია: ივანიშვილის უმრავლესობა არანაირი სერიოზული ოპტიმიზმის საფუძველს არ იძლევა

ივანიშვილის უმრავლესობა პარლამენტში არანაირი სერიოზული ოპტიმიზმის საფუძველს არ იძლევა, - ამის შესახებ "ნაციონალური მოძრაობის" ერთ-ერთმა ლიდერმა გიგა ბოკერიამ პარლამენტის სხდომის დაწყებამდე ჟურნალისტებს განუცხადა.

პრეზიდენტმა ახალარჩეული პარლამენტის პირველი სხდომა გახსნა

საქართველოს პრეზიდენტმა გიორგი მარგველაშვილმა დღეს ახალარჩეული პარლამენტის პირველი სხდომა გახსნა და დეპუტატებს  სიტყვით მიმართა.

ალექსანდრე ჯეჯელავა: თითქმის დარწმუნებული ვარ, რომ ახალი მთავრობის შემადგენლობაში ვიქნები

მინისტრთა კაბინეტში მთავრობის ახალ შემადგენლობასთან დაკავშირებით კომენტარები არ კეთდება.  თუმცა, განათლების მინისტრი ალექსანდრე ჯეჯელავა დარწმუნებულია, რომ თავად ახალ შემადგენლობაში იქნება: