მიუნხენის 53-ე უსაფრთხოების კონფერენციის ფარგლებში,   საქართველოს საგარეო საქმეთა მინისტრი მიხეილ ჯანელიძე ევროპისა და ამერიკის საკითხებში დიდი ბრიტანეთის სახელმწიფო მინისტრს სერ ალან დუნკანს შეხვდა.

საგარეო უწყების ინფორმაციით, შეხვედრაზე მხარეებმა საქართველოსა და  დიდ ბრიტანეთს შორის სტრატეგიული თანამშრომლობა განიხილეს. საუბარი შეეხო  პოლიტიკის, თავდაცვისა და უსაფრთხოების,   ეკონომიკის,  ენერგეტიკის და ხალხთაშორისი კავშირების მიმართულებით არსებულ ურთიერთობებს და იმ ახალ შესაძლებლობებს, რასაც ორმხრივი თანამშრომლობა ქმნის. 

სახელმწიფო მინისტრმა და საგარეო უწყების ხელმძღვანელმა ასევე ისაუბრეს საქართველოს ნატო-სა და ევროკავშირში ინტეგრაციის საკითხებზე. ხაზი გაესვა საქართველოს მნიშვნელოვან წვლილს ევრო-ატლანტიკურ უსაფრთხოებაში.   მინისტრმა მადლობა გადაუხადა სერ ალან დუნკანს ნატო-ში ინტეგრაციის პროცესში საქართველოს მხარდაჭერისთვის და არსებითი პაკეტის იმპლემენტაციაში  გაერთიანებული სამეფოს აქტიური ჩართულობისთვის. 

სახელმწიფო მინისტრი მიესალმა ევროპარლამენტის გადაწყვეტილებას და ქართველ ხალხს მიულოცა ახლო მომავალში შენგენის ზონის ქვეყნებში უვიზოდ გადაადგილების შესაძლებლობა.  როგორც შეხვედრაზე აღინიშნა, გაერთიანებული სამეფოს გადაწყვეტილება, გავიდეს ევროკავშირიდან, საქართველოსთან ურთიერთობებში ბარიერებს არ შექმნის და დიდი ბრიტანეთი გააგრძელებს საქართველოს მტკიცე მხარდაჭერას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა