2017-02-17 23:46:12, 2591 ნახვა
პოლიტიკა
„რუსთავი 2“-მა მაუწყებლობა შეწყვიტა
ტელეკომპანია "რუსთავი 2"-მა მაუწყებლობა შეწყვიტა. შესაბამისი გადაწყვეტილება საინფორმაციო გამოშვების წამყვანმა ზაალ უდუმაშვილმა პირდაპირ ეთერში გამოაცხადა.
როგორც მან აღნიშნა, ტელეკომპანიამ გადაწყვეტილება საკუთარი უფლებების დასაცავად მიიღო.
"გვერწმუნეთ, ამ გადაწყვეტილების მიღება არ იყო ადვილი ჩვენთვის. ეს არის პროტესტის უკიდურესი ზომა, რომელმაც შესაძლოა ტელევიზიამ მიმართოს. თუმცა ჩვენ დღეს სხვა გამოსავალი აღარ დაგვიტოვეს. ჩვენი დუმილით შევეცდებით ხმა ყველას მივაწვდინოთ. დღეიდან უფრო ზუსტად კი ამ წუთიდან "რუსთავი 2" გადადის საპროტესტო მაუწყებლობაზე. ყველას გელოდებით კვირას სამის ნახევარზე რუსთაველზე, პარლამენტის წინ. ერთად დავიცვათ "რუსთავი 2" და სიტყვის თავისუფლება", - აღნიშნა წამყვანმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
