2018-02-28 11:17:38, 2940 ნახვა
საზოგადოება
ე.წ. თერგის ბაზრობაზე გაჩენილი ხანძარი ლიკვიდირებულია
ე.წ. თერგის ბაზრობაზე გაჩენილი ხანძარი ლიკვიდირებულია, - ამის შესახებ ინფორმაციას საგანგებო სიტუაციების მართვის სამსახური ავრცელებს.
უწყების ინფორმაციით, ცაბაძის ქუჩაზე მეხანძრე-მაშველებმა მუშაობა უკვე დაასრულეს.
როგორც საგანგებო სიტუაციების მართვის სამსახურში აცხადებენ, გაჩენილი ხანძრის შედეგად 5 000 კვადრატული მეტრის ფართობი დაიწვა. სულ ადგილზე 35 სახანძრო ბრიგადა მუშაობდა.
შეგახსენებთ, რომ ხანძარი ე.წ. თერგის ბაზრობაზე 26 თებერვალს ღამით გაჩნდა. ცეცხლი მესამე სართულზე მთლიანად იყო გავრცელებული, თუმცა ხანძრის შედეგად არავინ დაშავებულა. ადგილზე თბილისის მერი კახა კალაძე და საგანგებო სიტუაციების მართვის სააგენტოს უფროსი გიორგი მღებრიშვილიც იმყოფებოდნენ.
![]()
ავტორი: ,
epn.ge (@expressnews.ge)
