„რადიო თავისუფლების“ ქართული რედაქციის კორესპონდენტის, გოგა აფციაურის ინფორმაციით, არჩილ ტატუნაშვილს და მასთან ერთად დაკავებულ ორ პირს, ახალგორის მილიციის უფროსთან, ალექსანდრე ჯიოევთან უთანხმოება ჰქონდათ.

ამის შესახებ ჟურნალისტმა "TV პირველის" ეთერში განაცხადა.

როგორც აფციაურმა აღნიშნა, ლევან ქუტაშვილს, რომელიც საოკუპაციო რეჟიმმა დააკავა, საგუშაგოზე შელაპარაკება მოუვიდა.

"ოჯახიც ადასტურებს, რომ ეს ბიჭები სავაჭრო ურთიერთობაში იყვნენ ახალგროთან და დღეში რამდენჯერმეც გადადიოდნენ ახალგორში. მოგეხსენებათ, სადაც სავაჭრო ურთიერთობები და ფული ჩნდება, ჩნდება - კრიმინალიც. ორ დამოუკიდებელ წყაროზე დაყრდნობით, შემიძლია გითხრათ, რომ არსებობს ასეთი პიროვნება, - ალესანდრე ჯიოევი. ისაა მილიციის განყოფილების უფროსი, რომელსაც ხშირად მიჰყავს ახალგაზრდები ე.წ. ნარკოლოგიური შემოწმების მიზნით და მათზე ძალადობს. ასეთი შემთხვევების შესახებ ახალგორელებმაც იციან. 23 თებერვლამდე ერთი დღით ადრე, საგუშაგოზე იყო შელაპარაკება ქუტაშვილსა და იქაური ე.წ. „ძალოვანი უწყებების“ წარმომადგენლებს შორის.  სწორედ ამ პირად დაპირისპირებას მოჰყვა სამეულის დაკავება", - განაცხადა აფციაურმა.

მისივე ინფორმაციით, 23 თებერვალს მოხდა კიდევ ერთი შელაპარაკება, რა დროსაც ნარკოლოგიური შემოწმების მიზნით არჩილ ტატუნაშვილი დააკავეს.

"ჯერ ახალგორის განყოფილებაში, - სადაც სავარაუდოდ, მასზე იძალადეს და შემდეგ წაიყვანეს ცხინვალში", - აღნიშნა ჟურნალისტმა.

ავტორი: ,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს