თბილისის მერის მოადგილის სოფო ხუნწარიას განცხადებით, იგეგმება ბიბლიოთეკების მოდერნიზაცია და არა დახურვა. 

როგორც მერის მოადგილემ აღნიშნა, ბიბლიოთეკებში სტანდარტებთან შეუსაბამო სიტუაციაა და არსებობს გარკვეული პრობლემები, მათ შორის ინფრასტრუქტურული. ხუნწარიას თქმით, ამის გამო თბილისის მერიაში დაფუძნებული ახალი აიპი მულტიმედიური ფუნქციით დატვირთული, მაღალი სტანდარტის ბიბლიოთეკების შექმნას გეგმავს. 

სოფო ხუნწარიას ინფორმციით, ბიბლიოთეკების თანამშრომლები ერთთვიანი გადამზადების კურსს გაივლიან და ამის შემდეგ ტესტირება ჩატარდება. მისივე განმარტებით, სამუშაოს ის შეინარჩუნებს, ვინც გამოცდებს ჩააბარებს. 

"ის პრობლემები, რასაც ჩვენ შევეჩეხეთ, მნიშვნელოვანია, რომ დროულად გამოსწორდეს. მედიათეკები და ბიბლიოთეკები გაერთიანდება, იმიტომ რომ მედიათეკა თავისთავში გულისხმობს, რომ არის ბიბლიოთეკა. ბუნებრივია, რომ ჩვენ გვჭირდება კვალიფიციური კადრები. მათ აუცილებლად მოუწევთ ტესტირება, თუმცა ტესტირება იქნება იმ საქმეში, რასაც დღეს ემსახურებიან. გვჭირდება ახალი მულტიმედიური ფუნქციით დატვირთული ბიბლიოთეკები, მაღალი სტანდარტის, წიგნების ფონდი კი უნდა განახლდეს“, - განაცხადა სოფო ხუნწარია.

ავტორი: ,

სოციალური ქსელები

მედვედევი: NATO-მ ტარანად გამოიყენა საქართველო, უკრაინა, იგივე ხდება მოლდოვაში, სომხეთში

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა