2024 წლის 24 ივლისს, „საქართველოს ეროვნული ბანკის“ მიერ [წინასწარი] პროსპექტის დამტკიცების შემდეგ, სს „ლიბერთი ბანკმა“ („კომპანია“) დაიწყო 25,000,000 (ოცდახუთი მილიონი) აშშ დოლარის ოდენობის საინაუგურაციო საჯარო სუბორდინირებული სავალო ფასიანი ქაღალდის (ე.წ. „ობლიგაციის“) ემისიის პროცესი. ფასიანი ქაღალდის ემისია განხორციელდება საჯარო განთავსების გზით 2024 წლის 8 აგვისტოდან და მიზანმიმართული იქნება გათვითცნობიერებულ ინვესტორებზე. ტრანზაქციის ამოცანაა ბანკისთვის მეორადი კაპიტალის მოზიდვა.

ფასიანი ქაღალდის ემისიის განთავსებისა და  გადახდისა და კალკულაციის აგენტი არის: შპს „ალფა კაპიტალ ედვაიზორი“; ხოლო ტრანზაქციის იურიდიული მრჩეველი: შპს „იურიდიული ფირმა ბიელსი“.    

ტრანზაქციის ძირითადი პარამეტრები:

„ლიბერთი" აგრძელებს ინსტიტუციონალურ განვითარებას და ყალიბდება კომპლექსურ ფინანსურ ინსტიტუტად.  ამ გზაზე, ბანკი მზად არის მოიზიდოს დაინტერესებული ინვესტორები, რომლებსაც ექნებათ საშუალება წარმატებული ისტორიის მონაწილეები გახდნენ. 

ბოლო წლების შედეგებით ვხედავთ ბანკის საფუძვლიანი ტრანსფორმაციის შედეგებს, რაც მის მომგებიანობაზეც აისახა.  დარწმუნებული ვართ, სუბორდინირებული კლასის ფასიანი ქაღალდის გამოშვების გზით, ბანკი გაიმყარებს თავის პოზიციებს და  კიდევ უფრო მეტი ტემპითა და ინოვაციური პროდუქტებით წარმოაჩენს თავს ფინანსურ ბაზარზე. "ლიბერთის" მენეჯმენტისა და სამეთვალყურეო საბჭოს სახელით, მინდა მადლობა გადავუხადო ჩვენს აგენტს - „ალფა კაპიტალ ედვაიზორის“ და "ლიბერთის" გუნდის წევრებს, ამ ტრანზაქციის წარმატებით განხორციელებისათვის“, - განაცხადა ვატო ბაბუნაშვილმა, სს „ლიბერთი ბანკის“ ფინანსურმა დირექტორმა და გენერალური დირექტორის მოადგილემ.

„აღსანიშნავია, რომ აღნიშნული სავალო ფასიანი ქაღალდი წარმოადგენს კომპანიისა პირველ, ე.წ. საინაუგურაციო, საჯარო ემისიას საქართველოს კაპიტალის ბაზარზე. სს „ლიბერთი ბანკის“ ერთ-ერთი პირველი ბანკია, რომელიც საქართველოში დაფინანსებას მოიძიებს ადგილობრივ კაპიტალის ბაზარზე საჯარო ობლიგაციების მეშვეობით. მისასალმებელია „ლიბერთი ბანკის“ სულისკვეთება კაპიტალის ბაზრის მეშვეობით უზრუნველყონ ბიზნესის ზრდის დაფინანსება, რაც თავის მხრივ, ჩვენი აზრით, ხელს შეუწყობს საბანკო სექტორში ფონდირებისა და კაპიტალიზაციის შემდგომი დივერსიფიკაციის გაღრმავებას - თავის მხრივ კი სექტორის გაძლერებას. იმედი გვაქვს, რომ კომპანიას დასახული მიზნის მისაღწევად, გათვითცნობიერებული ინვესტორების აქტივობაც მაღალი იქნება. მადლობა სს „ლიბერთი ბანკის“ მენეჯმენტს, სამეთვალყურეო საბჭოსა და აქციონერებს, სექტორისა და საქართველოს კაპიტალის ბაზრის გაღრმავებაში შეტანილი წვლილისთვის. და ბოლოს, აღნიშნული ტრანზაქცია წარმოადგენს „ალფა კაპიტალ ედვაიზორის“, როგორც კაპიტალის ბაზრის დამოუკიდებელი მოთამაშის, საბანკო სექტორში რიგით მესამე ფასიანი ქაღალდის ტრანზაქციას. როგორც დამოუკიდებელი მოთამაშე ბაზარზე, ვიმედოვნებთ რომ კიდევ ბევრი საინტერესო და ინოვაციური ტრანზაქციითა და ახალი ემიტენტების ბაზარზე შემოყვანით შევუწყობთ კაპიტალის ბაზრის განვითარებას ხელს“, - განაცხადა ირაკლი ელაშვილმა, შპს „ალფა კაპიტალ ედვაიზორის“ მმართველმა პარტნიორმა.

სს „ლიბერთი ბანკის“ შესახებ:  "ლიბერთი" ქვეყნის ერთ-ერთი უმსხვილესი კომერციული ბანკია, რომელიც 1,7 მილიონზე მეტ ფიზიკურ პირს და 50 000-ზე მეტ მცირე და საშუალო ბიზნესს ემსახურება. ბანკის აქტივები 3 მლრდ ლარს შეადგენს და დასაქმებულია 4,500-ზე მეტი თანამშრომელი. "ლიბერთი" ქვეყნის მასშტაბით წარმოდგენილია ყველაზე ფართო ქსელით - 360-ზე მეტი მომსახურების ცენტრით, 632 ბანკომატით, თვითმომსახურების და POS ტერმინალით საქართველოს ყველა რეგიონსა და მუნიციპალიტეტში. განვითარებული ინფრასტრუქტურის გარდა, როგორც ფიზიკური, ასევე იურიდიული პირებისთვის ხელმისაწვდომია თანამედროვე ციფრული სერვისები და დისტანციური მომსახურება. დამატებითი ინფორმაციისთვის: PR@lb.ge

შპს „ალფა კაპიტალ ედვაიზორის“ შესახებ: კომპანიის ძირითადი საქმიანობა მოიცავს საინვესტიციო საბანკო და საკონსულტაციო მომსახურებას ფასიანი ქაღალდების განთავსების თაობაზე და კორპორატიული ფინანსების მიმართულებით სხვადასხვა ფინანსური რჩევების მიცემას კომპანიებისათვის და ინვესტორებისათვის. კომპანიამ 2021 წლის 9 ნოემბერს „საქართველოს ეროვნული ბანკისგან“ მოიპოვა „ფასიანი ქაღალდების ბაზრის შესახებ“ საქართველოს კანონის 23-ე მუხლის „ა“-„დ“ პუნქტებით განსაზღვრული საქმიანობების ლიცენზია, ხოლო 2024 წლის ივნისიდან კომპანია უკვე ოპერირებს სებ-ის სრული საბროკერო ლიცენზიით. „ალფა კაპიტალი ედვაიზორის“ მიზანია აქტიური წვლილი შეიტანოს საქართველოს, სამხრეთ კავკასიისა და ცენტრალური აზიის რეგიონის კაპიტალის ბაზრის განვითარებაში, ხელი შეუწყოს კომპანიებს დაფინანსების დივერსიფიცირებასა და შერწყმით, შესყიდვითა ან გასხვისებით დამატებითი ღირებულების შექმნაში. კომპანია საკუთარ კლიენტებს სთავაზობს მიუკერძოებულ და უმაღლესი ხარისხის საინვესტიციო-საბანკო ექსპერტიზას, პრობლემების ინოვაციურ გადაწყვეტასა და მიდგომას, რომელიც მიმართულია ერთი მიზნისკენ - „ალფა კაპიტალ ედვაიზორის“ კლიენტებს მიაღწევინოს სასურველი სტრატეგიული შედეგი. კომპანიის თანადამფუძნებლები და მმართველი პარტნიორები არიან ირაკლი ელაშვილი და ლევან წუწუნავა.

ავტორი: R (რეკლამა),

სოციალური ქსელები

გალანტი „ჰამასის“ მებრძოლებს მძევლების გათავისუფლებისა და დანებებისკენ მოუწოდებს

უმეროვი - ნორვეგია უკრაინას დაპირებულ F-16-ის ტიპის 6 ავიაგამანადგურებელს უახლოეს მომავალში გადასცემს

ზურაბიშვილი - ტოლერანტობა, რომელიც ქართველებს და ქისტებს გვახასიათებს, არ შეიძლება დაიკარგოს

ორბანი - ზელენსკის მიერ წარდგენილი „გამარჯვების გეგმა“ შიშს იწვევს