01:59 - 08 Apr, 2020
2020-03-24 16:12:37, 714 ნახვა

რეგიონი
დედაქალაქსა და რეგიონებში სადეზინფექციო სამუშაოების განხორციელებაში სურსათის ეროვნული სააგენტო ჩაერთვება

ახალი კორონავირუსის შესაძლო გავრცელების აღკვეთის მიზნით, გარემოს დაცვისა და სოფლის მეურნეობის სამინისტროს სურსათის ეროვნული სააგენტოს სპეციალიზებული ტექნიკა  და სპეციალისტთა ჯგუფები თბილისსა და რეგიონებში სადეზინფექციო სამუშაოების განხორციელების პროცესში ჩაერთვებიან.

„კორონავირუსთან ბრძოლის ღონისძიებების დაწყების პირველივე დღეებიდან, სურსათის ეროვნული სააგენტოს სპეციალური ტექნიკა გამოყენებულია საზღვრებზე, სადაც ყველა ტვირთის შემოსვლისას დამუშავება ხდება. სააგენტოს სპეციალისტები ის ადამიანები არიან, რომლებიც არაერთ რთულ ღონისძიებაში იღებენ მონაწილეობას და დიდი გამოცდილება აქვთ. ჩვენი სპეციალისტები ბოლნისსა და მარნეულში, კარანტინში შემსვლელ-გამომსვლელ მანქანებსაც ამუშავებენ სპეციალური სადეზინფექციო ხსნარებით, რომელიც დაავადებათა კონტროლის ცენტრთან არის შეთანხმებული და აბსოლუტურად უვნებელია მოსახლეობისთვის. ჩვენი მძიმე ტექნიკა დღეს საკარანტინო ზონაში გაიგზავნება, სადაც დიდი სივრცეების დამუშავებას მოვახდენთ. რაც შეეხება თბილისს, მოხდება კრიტიკული საჯარო ინფრასტრუქტურის დამუშავება, რათა დაავადების გავრცელების რისკი მინიმუმამდე დავიყვანოთ”, - განაცხადა გარემოს დაცვისა და სოფლის მეურნეობის მინისტრმა, ლევან დავითაშვილმა. 

როგორც მინისტრმა აღნიშნა, დედაქალაქში სადეზინფექციო სამუშაოებში ჩაერთვება 40 ერთეული სპეციალური ტექნიკა. პირველი დამუშავება მოხდება მთელ ქალაქში, შემდგომ  კი ხელის აპარატებით, რეგულარულად ჩატარდება სამუშაოები. მინისტრის განცხადებით, საჭიროების შემთხვევაში, სპეციალური ტექნიკით დეზინფექცია განმეორდება. 

„დღეს ღამით, გარემოს დაცვისა და სოფლის მეურნეობის სამინისტროსთან ერთად, მნიშვნელოვან პროექტს ვიწყებთ. უშუალოდ იმ ქუჩების დეზინფექცია მოხდება, სადაც არის გაჩერებები, მეტროს შესასვლელები; სადეზინფექციო სამუშაოები ჩატარდება რამდენიმე დღის განმავლობაში. იცით, რომ საზოგადოებრივი ტრანსპორტი ყოველდღიურ რეჟიმში მუშავდება შესაბამისი სპეციალური ხსნარებით. მინდა მოსახლეობას ვუთხრა, რომ ჯანმრთელობისთვის ეს პრეპარატი საშიში არ არის“, - განაცხადა დედაქალაქის მერმა, კახა კალაძემ.

სამინისტროში მობილიზებული 60  ერთეული ტექნიკა,  გარემოს დაცვის და სოფლის მეურნეობის მინისტრმა ლევან დავითაშვილმა  თბილისის მერთან, კახა კალაძესთან ერთად დაათვალიერა. მინისტრმა ხაზგასმით აღნიშნა, რომ სადეზინფექციო სამუშაოებს უწყებები კოორდინირებულად განახორციელებენ. მობილიზებულები არიან და  სამუშაოებში აქტიურად ჩაერთვებიან სურსათის ეროვნული სააგენტოს სპეციალისტები, რომლებსაც მსგავსი ღონისძიებების ჩატარების დიდი გამოცდილება აქვთ.




ავტორი: NS (სტატია დაფინანსებულია),


სოციალური ქსელები
კომენტარები

კორონავირუსი - ყველა სიახლე

2020-04-08 00:40:46

დავითაშვილი - ახალი სახელმწიფო პროგრამით, ბიზნესი საკუთარი ინტერესების დაზიანების გარეშე მოახდენს მოსახლეობის პროდუქციით უზრუნველყოფას

2020-04-07 23:36:23

დავითაშვილი - კომერციულად მისაღები ინიციატივები შესაძლოა არ იყოს თავსებადი ჯანდაცვის რეკომენდაციებთან, ჩვენი უპირველესი ამოცანა კი, მოსახლეობის ჯანმრთელობის დაცვაა

2020-04-07 23:05:04

დავითაშვილი - შეიქმნა პლატფორმა, სადაც ფერმერებს შესაძლებლობა ეძლევათ მოვაჭრეებს თავიანთი წარმოებული მალფუჭებადი სურსათი მიაწოდონ

2020-04-07 22:09:32

საქართველოში კორონავირუსით ინფიცირებულთა რიცხვი 196-მდე გაიზარდა

2020-04-07 22:06:21

გამყრელიძე -ვპროგნოზირებთ, რომ კვირის ბოლოს დაავადება უნდა გვქონდეს 350-400-ის ფარგლებში

ვიდეო/LIVE

საქართველოში კორონავირუსით მეორე ადამიანი გარდაიცვალა.







არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics