შუახევის მერის მოადგილე რუსუდან შავაძე ბუთურაულში, აგვისტოს ომში დაღუპული გმირის ოჯახს სტუმრობდა. იაგო მიქელაძის დედას ეთერ მიქელაძეს, დედის დღე მიულოცა და საჩუქარი გადასცა.

,,მინდა ყველა დედას მივულოცო დედის დღე! ვუსურვებ მათ ჯანმრთელობას, სიკეთეს, წარმატებებს. დღეს, ჩვენ დედის დღე მივულოცეთ ქალბატონ ეთერ მიქელაძეს, რომელმაც გაზარდა გმირი შვილი, რომელმაც თავი შესწირა ჩვენი ქვეყნის ერთიანობას"- აღნიშნა რუსუდან შავაძემ.

იაგო მიქელაძე, ცხინვალის მისადგომებთან 8 აგვისტოს დაიჭრა,მოგვიანებით გორის სამხედრო ჰოსპიტალში გარდაიცვალა. დაჯილდოვებულია ვახტანგ გორგასლის სახელობის მეორე ხარისხის ორდენით.

დედის დღესთან დაკავშირებით, აჭარის ჯანდაცვის სამინისტრომ 2008 წლის რუსული აგრესიის შედეგად და 2012 წელს ავღანეთში დაღუპულ მეომართა ოჯახების დახმარების პროგრამის ფარგლებში, ომში დაღუპული ჯარისკაცების დედებს და მეუღლეებს 1,000-1,000 ლარი გადასცა. მეომრების ოჯახები ერთჯერად დახმარებას 3 000 ლარს აგვისტოს თვეშიც მიიღებენ.

ავტორი: NS (სტატია დაფინანსებულია),

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო