დღეს ბათუმში 17 წლამდე ჭაბუკ ძალოსანთა საქართველოს ჩემპიონატი დაიწყო. ჩემპიონატი აჭარის მთავრობის თავმჯდომარემ ძალოსნობის ეროვნული ფედერაციის წარმომადგენლებთან და წარმატებულ სპორტსმენებთან ერთად გახსნა.  

ოფიციალური გახსნის ცერემონიაზე  თორნიკე რიჟვაძემ აღნიშნა, რომ ბათუმში ჩემპიონატის გამართვა ხელს  შეუწყობს  სპორტული ტურიზმის განვითარებას, ქვეყნის და  რეგიონის ცნობადობის გაზრდას.

,,დღევანდელი დღე კიდევ ერთხელ ადასტურებს, რომ ბათუმი როგორც ეროვნული ჩემპიონატების, ასევე საერთაშორისო სპორტული ღონისძიებების ჩატარების ტრადიციულ ადგილად გადაიქცა. ჩვენ გვინდა, რომ ბოლომდე გავამართლოთ ევროპის სპორტული ქალაქის სტატუსი. დარწმუნებული ვარ,  წინ ბევრი საინტერესო სპორტული ღონისძება გველის'' - განაცხადა მთავრობის თავმჯდომარემ.

პირველობისთვის სამ წონით კატეგორიაში 100-მდე სპორტსმენი იბრძვის. ჩემპიონატი აჭარაში პირველად ტარდება და 24 მარტამდე  გაგრძელდება.

პარალელურ რეჟიმში მიმდინარეობს მზადება ევროპის ჩემპიონატისთვის, რომელსაც ბათუმი 6 -13 აპრილს უმასპინძლებს. ჩემპიონატში მონაწილეობას მიიღებს ევროპის 47 ქვეყნის 600 -მდე ძალოსანი და პირდაპირი ტელეტრანსლაცია განხორციელდება Eurosport-ი ევროპის 60-მდე ქვეყანაში. ჩემპიონატი გაიმართება როგორ მამაკაცთა ასევე, ქალთა შორის, ათ წონით კატეგორიაში.

ძალოსნობაში საქართველოს ჩემპიონატს აჭარის განათლებისა და სპორტის მინისტრი ინგა შამილიშვილი, მთავრობის წარმომადგენლები, წარმატებული სპორტსმენები, მათ შორის, ოლიმპიური ჩემპიონი ლაშა ტალახაძე და  სხვა ოფიციალური პირები ესწრებოდნენ.

(NS)

ავტორი: ექსპრესნიუსი,

სოციალური ქსელები

აშშ ვენესუელას მიწისძვრის შედეგად დაზარალებულთა დასახმარებლად 150 მილიონ დოლარს გამოყოფს

აშშ ამტკიცებს, რომ ჰორმუზის სრუტეში სამოქალაქო კომერციულ გემს ირანულმა დრონმა დაარტყა

დრონებმა რუსეთის ტულის რეგიონში მდებარე „აზოტის“ ქიმიურ ქარხანას შეუტიეს

Intelligence Online: თურქული კომპანიების ქსელი რუსეთის „ჩრდილოვანი ფლოტის“ ცენტრი ხდება