აჭარის ჯანდაცვის მინისტრის მოადგილე საქართველოს წითელი ჯვრის საზოგადოების ანგარიშს დაესწრო

2019-03-01 15:30:42, 599 ნახვა

რეგიონი

აჭარის ა/რ ჯანმრთელობისა და სოციალური დაცვის მინისტრის მოადგილე ზურაბ თენიეშვილი და აჭარის ა/რ განათლების, კულტურისა და სპორტის მინისტრის მოადგილე ალექსანდრე დავითაძე საქართველოს წითელი ჯვრის საზოგადოების ანგარიშს დაესწრნენ, რომელიც ორგანიზაციის მიერ ქვეყნის მასშტაბით განხორციელებულ საქმიანობას შეეხებოდა.

"აღსანიშნავია, რომ გასული წლის განმავლობაში, ისევე როგორც არსებობის 100 წლიანი ისტორიის მანძილზე, საქართველოს წითელი ჯვრის საზოგადოებამ, როგორც ჰუმანიტარულ სფეროში მთავრობის დამხმარე ორგანიზაციამ, არაერთი საქმიანობა განახორციელა მოსახლეობის მოწყვლადი ჯგუფების მხარდასაჭერად ქვეყნის გამოწვევებისა და საჭიროებების საპასუხოდ", - განაცხადა საქართველოს წითელი ჯვრის საზოგადოების პრეზიდენტმა ნათია ლოლაძემ.

ცნობისათვის, საქართველოს წითელი ჯვრის საზოგადოების თანადგომით, ჰუმანიტარულ დახმარება აჭარაში მცხოვრებ სოციალურად დაუცველ და მრავალშვილიან ოჯახებსაც გადაეცათ.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები