აჭარის ავტონომიური რესპუბლიკის მთავრობის თავმჯდომარემ, ესტონეთში ოფიციალური ვიზიტის ფარგლებში, მნიშვნელოვანი სიახლე დააანონსა. კერძოდ, ზაფხულის ტურისტულ სეზონზე, ტალინის აეროპორტიდან ბათუმის მიმართულებით, პირდაპირ ჩარტერული რეისები 180 ადგილიანი ,,Airbus A320" ტიპის საჰაერო ხომალდით, ავიაკომპანია - "Smartlynx Airlines" მიერ განხორციელდება. თორნიკე როჟვაძე ასევე დაესწრო Tourest 2019-ის ტურისტული გამოფენის დახურვას, სადაც აჭარის სამთო და საზღვაო ტურისტული პოტენციალის შესახებ პრეზენტაცია იყო წარმოდგენილი. აღსანიშნავია, რომ რეგიონს, წინა წელთან შედარებით, 2018 წელს ესტონეთიდან 80%-ით მეტი საერთაშორისო მოგზაური სტუმრობდა.

"პირდაპირი ჩარტერული რეისები კიდევ უფრო გაზრდის ევროპელი ტურისტების ნაკადს, რაც ძალიან მნიშვნელოვანია რეგიონში ტურიზმის განვითარებისთვის" - განაცხადა თორნიკე რიჟვაძემ.

გამოფენა მთავრობის თავმჯდომარემ ესტონეთის ტურიზმის და მოგზაურობის ასოციაციის ვიცე პრეზიდენტთან კულლი კარინგთან, გენერალურ მდივანთან მარიან ლუგუსთან და საქართველოს ელჩთან ესტონეთში - თეა ახვლედიანთან ერთად დაათვალიერა, რომელიც დელეგაციის მთავარი მასპინძელია. თორნიკე რიჟვაძემ ასევე მოინახულა აჭარის ტურიზმის და კურორტების დეპარტამენტის სტენდი, სადაც ვიზიტორებს რეგიონის სამთო და საზღვაო ტურისტული პოტენციალის შესახებ დეტალური ინფორმაციის მიღება შეეძლოთ.

Tourest 2019-ის რიგით 28-ე გამოფენას 30 000-მდე ადამიანი სტუმრობდა. გამოფენაზე წარმოდგენილი იყო 584 კომპანია 30 ქვეყნიდან და შუქდებოდა 270 მედია საშუალების მიერ.

აჭარის ავტონომიური რესპუბლიკის მთავრობის თავმჯდომარის ესტონეთის რესპუბლიკაში ვიზიტის ფარგლებში, დაგეგმილია სხვა მნიშვნელოვანი ოფიციალური შეხვედრები.

NS

ავტორი: ,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით