ბათუმში ფინანსთა სამინისტროს აკადემიის ფილიალი გაიხსნა, რომელიც სასერტიფიკაციო, სტაჟირებისა და სხვადასხვა ტრენინგ პროგრამებს განახორციელებს. საქართველოს ფინანსთა სამინისტროს აკადემია მჭიდროდ თანამშრომლობს საერთაშორისო ორგანიზაციებთან და ხარისხის მართვის საერთაშორისო სერტიფიკატის მფლობელია.

თანამედროვე ტექნიკით აღჭურვილი სასწავლო შენობა აჭარის მთავრობის თავმჯდომარემ თორნიკე რიჟვაძემ გახსნა. პრეზენტაციაზე სიტყვით გამოსვლისას აჭარის მთავრობის თავმჯდომარემ აღნიშნა, რომ აკადემიის ბათუმში ფუნქციონირება ხელს შეუწყობს როგორც სახელმწიფო ინსტიტუტების განვითარებას, ისე ახალგაზრდების და სტუდენტების კვალიფიკაციის ამაღლებას.

„ მჯერა, რომ ფინანსთა სამინისტროს აკადემია ბათუმში იქნება ერთ- ერთი წარმატებული საგანმანათლებლო დაწესებულება, რომელიც მისცემს საშუალებას კერძო და საჯარო სექტორში დასაქმებულ პირებს აიმაღლონ კვალიფიკაცია"- განაცხადა თორნიკე რიჟვაძემ.

ახალი აკადემიის გახსნას აჭარის უმაღლესი საბჭოს თავმჯდომარე დავით გაბაიძე, მინისტრთა კაბინეტის წევრები, ბიზნეს წრეების წარმომადგენლები და სტუდენტები ესწრებოდნენ. სსიპ ფინანსთა სამინისტროს აკადემიის დირექტორმა ტარიელ ჭულუხაძემ სტუმრებს აკადემიის საგანმანათლებლო პროგრამები წარუდგინა.

პროექტი აჭარის ფინანსთა და ეკონომიკის სამინისტროს და საქართველოს ფინანსთა სამინისტროს აკადემიის თანამშრომლობის ფორმატში განხორციელდა.

(NS)

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა