აჭარის მთავრობის თავმჯდომარე თორნიკე რიჟვაძემ და კომპანია „სოკარ ჯორჯია გაზი"-ს გენერალურმა დირექტორმა ვახტანგ  ბერიაშვილმა ხელვაჩაურის მუნიციპალიტეტის სოფელ თხილნარში ახლადაშენებული გაზსადენი გახსნეს.

პროექტის პრეზენტაციას მუნიციპალიტეტის ხელმძღვანელი პირები ესწრებოდნენ. აჭარის მთავრობის თავმჯდომარემ ასევე სოფლებში ახალსოფელი, ჭარნალი და თხილნარი   ახლადაშენებული გაზსადენები დაათვალიერა და სოფელ თხილნარის მკვიდრის, თენგიზ ბერიძის ოჯახში გაზქურა აანთო.

,,დავათვალიერე გაზსადენის მშენებლობა ხელვაჩაურში  და კომპანია „სოკარ ჯორჯია გაზის" დირექტორ ვახტანგ ბერიაშვილთან ერთად სამომავლო გეგმები განვიხილე.   რეგიონში მიმდინარე წელს კომპანია ,,სოკარ ჯორჯია გაზმა"  9 500 აბონენტი უზრუნველყო ბუნებრივი აირით.

აჭარის რეგიონში დღეისათვის 85 ათასი აქტიური აბონენტია, რომელთა რიცხვი მომავალ წლებში კიდევ უფრო გაიზრდება. შენდება ახალი ცენტრალური მაგისტრალი, რომელიც მაღალმთიანი აჭარის გაზიფიცირებას ემსახურება.

ბუნებრივი აირით უზრუნველყოფა ხელს შეუწყობს როგორც მოსახლეობის ეკონომიური მდგომარეობის გაუმჯობესებას, ისე სოფლის ეკოლოგიურ გაჯანსაღებას,"- აღნიშნა თორნიკე რიჟვაძემ.

კომპანია „სოკარ ჯორჯია გაზმა" სოფელ თხილნარში 69345 მ სიგრძის საშუალო და დაბალი წნევის გაზსადენი ააშენა, რის შედეგადაც სოფელში მცხოვრებ 1000-მდე ოჯახს  ბუნებრივი აირის ქსელში ჩართვის შესაძლებლობა მიეცა.

სოფლების ახალსოფელის, ჭარნალის და თხილნარის გაზიფიცირებისთვის აშენდა 150 324 მეტრი სიგრძის საშუალო და დაბალი წნევის გაზსადენი. განხორციელებული სამუშაოების შედეგად, ბუნებრივი აირის მიღების შესაძლებლობა ამ სოფლებში მცხოვრებ 2000-ზე მეტ ოჯახს მიეცა.

(NS)

ავტორი: ,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა