შუახევში მეწარმეებს ბიზნესომბუდსმენი შეხვდა

2018-11-15 16:45:23, 692 ნახვა

რეგიონი

საქართველოს ბიზნესომბუდსმენის წარმომადგენელი აჭარის ავტონომიურ რესპუბლიკაში ტარიელ გიორგაძე, აჭარის ა.რ სავაჭრო-სამრეწველო პალატის თავმჯდომარის მოადგილე ასლან ლორთქიფანიძე, თავისუფალი სავაჭრო სივრცის (DCFTA) ბათუმის საინფორმაციო ცენტრის ექსპერტი ეკატერინე თარგამაძე შუახევში მეწარმეებსა და მერიის თანამშრომლებს შეხვდა.

შეხვედრას შუახევის მერი ფრიდონ ფუტკარაძე, მერის მოადგილეები ომარ ტაკიძე და რუსუდან შავაძე ესწრებოდნენ.

ბიზნესომბუდსმენის წარმომადგენელმა და DCFTA ექსპერტმა შეხვედრის მონაწილეებს თავიანთი საქმიანობის შესახებ პრეზენტაციები წარუდგინეს და დაურიგეს ფლაერები. მცირე და საშუალო ბიზნესის ხელშემწყობ სახელმწიფო პროგრამებზე ისაუბრა ასსპა-ს თავმჯდომარის მოადგილემ.

შეხვედრა კითხვა-პასუხის რეჟიმში გაგრძელდა. შეხვედრის ორგანიზატორებმა მეწარმეებს თავიანთ საქმიანობაში მხარდაჭერა და პრობლემების გადაჭრის მიზნით დახმარება აღუთქვეს.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები