პირველად, ბოლო 11 წლის განმავლობაში, საქართველოში უმუშევრობის ყველაზე დაბალი მაჩვენებელი დაფიქსირდა, - ამის შესახებ საქართველოს პრემიერ-მინისტრმა ირაკლი ღარიბაშვილმა ჟურნალისტებს განუცხადა.

სტატისტიკის ეროვნული სამსახურის ოფიციალური მონაცემები პრემიერ–მინისტრმა მთავრობის სწორი პოლიტიკის შედეგად შეაფასა.

„გვაქვს 2, 2%–იანი კლება და დასაქმებულთა რაოდენობა არის გაზრდილი. ჩვენი მთავრობის ხელშეწყობით და სწორი პოლიტიკის წყალობით, გასულ წელს შეიქმნა 33 100 სამუშაო ადგილი. რაც მთავარია, ახალი სამუშაო ადგილების 90% მოდის კერძო სექტორზე და ეს არ არის სახელმწიფო სტრუქტურებში დასაქმებულთა რაოდენობა. 11 წლის განმავლობაში უმუშევრობის ასეთი კლება არ დაფიქსირებულა საქართველოში. ეს  შედეგია მთავრობის სწორი პოლიტიკის, ჩვენი პროგრამების, რომლებიც მიმართულია ეკონომიკის გაჯანსაღებისკენ. სოფლის მეურნეობის  მიმართულებით უამრავი პროექტი დაფინანსდა, გაიხსნა 119 საწარმო, პროგრამის–„აწარმოე საქართველოში“  ფარგლებში შეიქმნება 78 ახალი საწარმო.  ეს არის სწორი მუშაობის შედეგი“, - აღნიშნა პრემიერმა.

მისივე ინფორმაციით, გასულ წელს მშპ–ს  4,8 %–იანი ზრდა დაფიქსირდა, ხოლო მიმდინარე წლის პირველ კვარტალში –3,2%, რაც რეგიონისთვის უპრეცედენტო მაჩვენებელია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა ოლეშკიში რუსეთსა და უკრაინას შორის დროებითი ცეცხლის შეწყვეტას მიაღწია

კონგრესის მომხსენებლები: 5 ოპოზიციური პარტიის აკრძალვის განხილვა ღრმა შეშფოთებას იწვევს

ევროპარლამენტარები: პარტიების აკრძალვა ერთპარტიული სისტემისკენ გადადგმული უკუსვლა იქნება

ივანიშვილის რეჟიმის სამხედრო ტყვე ვარ - დიტო ჩუბინიძეს პატიმრობა შეეფარდა