თბილისის საკრებულომ დედაქალაქის მერის დავით ნარმანიას მრჩევლების დანიშვნის საკითხს მხარი არ დაუჭირა. 

როგორც საკრებულოს დამოუკიდებელმა დეპუტატმა ალეკო ელისაშვილმა ჟურნალისტებს განუცხადა, საკრებულომ ნარმანიას „ჭკუა ასწავლა“.

„კარგია, რომ ჭკუა ასწავლა. ზუსტად ჩვენ გვეკითხება დანიშვნის საკითხი. შემთხვევით ნარმანიას თავი არა თბილისის მერად, არამედ სასიმინდის ან საქათმის დირექტორად ხომ არ წარმოუდგენია? „, – აღნიშნა ელისაშვილმა. 

ცნობისთვის, დედაქალაქის მერიამ საკრებულოს დავით ნარმანიასთვის დამატებით 5 მრჩევლის საკითხი გადაუგზავნა დასამტკიცებლად. 

როგორც მერიაში განმარტავენ, მრჩევლების პოსტზე წარდგენილი კანდიდატურები მერიაში სხვადასხვა პოზიციაზე მომუშავეები არიან და ეს  შტატების დამატებას არ გამოიწვევდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა

ნიკა გვარამია: ჩვენ სრული გეოპოლიტიკური კატასტროფის წინაშე ვდგავართ

არაღჩი: თეირანი გააგრძელებს მონაწილეობას პაკისტანის მიერ წარმოებულ მედიაციის ძალისხმევაში