კლინიკა „ლანცეტის“ დირექტორ ფარმან ჯეირანლის 6-წლიანი პატიმრობა მიესაჯა

2018-02-08 13:01:06, 1802 ნახვა

საზოგადოება

თბილისის საქალაქო სასამართლომ კლინიკა "ლანცეტის" დირექტორს ფარმან ჯეირანლის 6 წლით თავისუფლების აღკვეთა მიუსაჯა.

კლინიკის დირექტორი მის მიმართ წარდგენილი ორი მუხლიდან ერთში დამნაშავედ სცნეს, მეორეში კი, გაამართლეს.

წარდგენილი ბრალდების ერთ ეპიზოდში, რომელიც თაღლითობას გულისხმობს, ბრალდებული გაამტყუნეს და 6 წლით თავისუფლების აღკვეთა მიუსაჯეს. რაც შეეხება მეორე ეპიზოდს, რომელიც სიცოცხლისათვის ან ჯანმრთელობისათვის საფრთხის შემქმნელი გარემოების შესახებ ინფორმაციის დამალვა/გაყალბებას გულისხმობს (სსკ-ის 247-ე მუხლი), მოსამართლემ ბრალდებული გაამართლა.

შეგახსენებთ, პროკურატურამ შ.პ.ს „ლანცეტის“ დირექტორი, პაციენტებისგან, დიდი ოდენობით ფულადი თანხის, მოტყუებით დაუფლებისა დ სიცოხლისთვის ან ჯანმრთელობისთვის საფრთხის შემქმნელი გარემოების შესახებ ინფორმაციის დამალვის ფაქტზე დააკავა. პროკურორის მტკიცებით, ფარმან ჯეირანმა, პაციენტების თანხა თაღლითურად მიითვისა და ოპერაცია ლიცენზიის გარეშე ჩაატარა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები