ამერიკის შეერთებული შტატების შიდა უსაფრთხოების მინისტრის მოვალეობის შემსრულებლის ელეინ დიუკმის განცხადებით, ტერორისტებს 11 სექტემბრის მსგავსი თავდასხმის მოწყობა უნდათ. ინფორმაციას Daily Mail ავრცელებს. 

როგორც დიუკმა აღნიშნა, ტერორისტებს თვითმფრინავის ჩამოგდება აქვთ დაგეგმილი და დასძინა, რომ სადაზვერვო სამსახურები შესაბამის ინფორმაციას ფლობენ. 

მისივე თქმით, ახლა „ისლამურ სახელმწიფოში“ გარდამავალი პერიოდია. დიუკის განმარტებით, მანამდე ჯიჰადისტები ფინანსებს ზოგავდნენ და სწორედ ამიტომ, მათი თავდასხმები ძირითადად ავტომობილებით ხალხში შევარდნით ხორციელდებოდა. ტერორისტები ფინანსებს და დამატებით ძალებს ელოდებიან. 

"მნიშვნელობა არ აქვს იქნებიან ეს ISIS-ის წევრები, თუ სხვა ტერორისტული დაჯგუფების წევრები. ფაქტი ისაა, რომ მათ 11 სექტემბერის გამეორების გეგმა აქვთ", - განაცხადა დიუკმა. 

შეგახსენებთ, რომ 2001 წლის 11 სექტემბერს აშშ-ში „ალ-კაიდას“ თვითმკვლელმა ტერორისტებმა 4 სამგზავრო თვითმფინავი დაიკავეს, 2 მათგანი ნიუ-იორკში სავაჭრო ცენტრის შენობებს დაეჯახა, ერთი პენტაგონს, ერთი კი სავარაუდოდ თეთრი სახლის ან კაპიტოლიუმისკენ იყო მიმართული, რომელმაც მიზანს ვერ მიაღწია. ტერაქტის შედეგად 2977 ადამიანი დაიღუპა. 

ავტორი: ,

სოციალური ქსელები

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა

4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, ირაკლი ჩხვირკიასა და გური ჟვანიას საპროცესო შეთანხმება გაუფორმდათ

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა