2026-10-28 12:53:12, 268 ნახვა

---

4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, ირაკლი ჩხვირკიასა და გური ჟვანიას საპროცესო შეთანხმება გაუფორმდათ

4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, ირაკლი ჩხვირკიასა და გური ჟვანიას მხარებს შორის მიღწეული საპროცესო შეთანხმება მოსამართლე მზია ლომთათიძემ გააფორმა. 

ზოდელავას და ბერიძეს 7-7 წლით თავისუფლების აღკვეთა აქვთ მისჯილი, ჟვანიასა და ჩხვირკიას კი - 5-5 წლით. საპროცესო შეთანხმების პირობა ასეთია:  ერთი წელი და ერთი თვე რეალური მსჯავრი, ორი წელი კი - პირობითი. მურთაზ ზოდელავა და ლაშა ბერიძე ციხეს 4 ნოემბერს დატოვებენ, ირაკლი ჩხვირკიას 6 ნოემბერს გაათავისუფლებენ.  გური ჟვანია კი პენიტენციურ დაწესებულებას16 ნოემბერს დააკავებენ. 

1. მურთაზ ზოდელავა და ლაშა ბერიძე

ორივეს ბრალდება წარდგენილი ჰქონდათ ორ ძირითად მუხლზე:

• სსკ-ის 19-222-ე მუხლის მე-2 ნაწილის „ა“ ქვეპუნქტი — სტრატეგიული ან განსაკუთრებული მნიშვნელობის ობიექტის ხელში ჩაგდების/ბლოკირების მცდელობა ჯგუფურად.

• სსკ-ის 225-ე მუხლის პირველი ნაწილი — ჯგუფური ძალადობის ორგანიზება ან ხელმძღვანელობა.

2. ირაკლი ჩხვირკია

• სსკ-ის 19-222-ე მუხლის მე-2 ნაწილის „ა“ ქვეპუნქტი — სტრატეგიული ან განსაკუთრებული მნიშვნელობის ობიექტის ხელში ჩაგდების ან ბლოკირების მცდელობა, ჩადენილი ჯგუფურად.

• ასევე ედავებოდნენ ჯგუფურ ძალადობაში მონაწილეობას (სსკ-ის 225-ე მუხლის მე-2 ნაწილი).

3. გური ჟვანია

• სსკ-ის 225-ე მუხლის მე-2 ნაწილი — ჯგუფურ ძალადობაში უშუალო მონაწილეობა (მასობრივ არეულობაში მონაწილეობა, რომელსაც თან ახლდა ძალადობა, რბევა, სხვისი ნივთის დაზიანება ან განადგურება).

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი