თუ კატალონიის მეთაური კარლეს პუჩდემონი დამოუკიდებლობის შესახებ განცხადების გაკეთების იდეას არ დაივიწყებს, ესპანეთის ხელისუფლება კონსტიტუციის 155-ე მუხლს აამოქმედებს, - ამის შესახებ ესპანეთის ვიცე-პრემიერმა სორაია საენს დე სანტამარიამ განაცხადა.

როგორც BBC იუწყება, ოფიციალური მადრიდი კარლეს პუჩდემონის წერილს გამოეხმაურა და მას ახალი ულტიმატუმი წაუყენა.

ვიცე-პრემიერს კატალონიის მეთაურის წერილი არალეგიტიმურად მიაჩნია. მისი თქმით, პუჩდემონმა არ გასცა პასუხი, აპირებს თუ არა დამოუკიდებლობის გამოცხადებას.

პუჩდემონს კატალონიის ირგვლივ არსებულ მდგომარეობასთან დაკავშირებით ესპანეთის პრემიერ-მინისტრთან, მარიანო რახოისთან შეხვედრა სურს. სწორედ ამიტომ, მან ოფიციალურ მადრიდს წერილი მიწერა.

ცნობისთვის, ესპანეთის კონსტიტუციის 155-ე მუხლი რეგიონისთვის, ავტონომიის სტატუსის წართმევას გულისხმობს.

შეგახსენებთ, რომ კატალონიაში ე.წ. რეფერენდუმი 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ. ამასთან, 10 ოქტომბერს კატალონიის მეთაურმა კარლეს პუჩდემონმა რეგიონის ე.წ. დამოუკიდებლობის დეკლარაციას ხელი მოაწერა.

ავტორი: ,

სოციალური ქსელები

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა

4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, ირაკლი ჩხვირკიასა და გური ჟვანიას საპროცესო შეთანხმება გაუფორმდათ

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა