„აქტიური საარჩევნო პროცესი, რომელიც დაახლოებით თვენახევრის განმავლობაში მიმდინარეობდა მშვიდი, კონსტრუქციული იყო, გარდა გამონაკლისებისა და საერთო ფონს არ ცვლიდა“,-ამის შესახებ საქართველოს პრეზიდენტმა გიორგი მარგველაშვილმა ბრიფინგზე განაცხადა.

პრეზიდენტის თქმით, მოქალაქეებმა არ უნდა დაიშურონ ძალისხმევა იმისთვის, რომ 8 ოქტომბრის არჩევნები ისტორიაში შევიდეს როგორც ერთ-ერთი ყველაზე მაღალი სტანდარტის არჩევნები.

ამასთან, პრეზიდენტმა  ქართულ საზოგადოებას მადლობა გადაუხადა და მოუწოდა, რომ მეორე ტურებზეც  აქტიურები იყვენენ.

„მინდა  მადლობით  დავიწყო.  მადლობა ვუთხრა ქართულ საზოგადოებას,  რომელმაც ძალიან აქტიურად მიიღო არჩევნებში მონაწილეობა. ჩემთვის ეს იყო ძალინ მნიშვნელოვანი.  ჩვენ ორი თვის განმავლობაში მოვუწოდებდით საზოგადოებას აქტიურობისკენ. აქტიური საარჩევნო პროცესი,რომელიც დაახლოებით თვენახევრის განმავლობაში მიმდინარეობდა იყო მშვიდი,  კონსტრუქციული, გამონაკლისების გარდა და რომელიც არ ცვლიდა საერთო ფონს.

არჩევნების დღემაც ასევე მშვიდად ჩაიარა მოსახლეობისა და ამომრჩევლის აქტიურობით და ერთი -ორი გამონაკლისის გარდა ჩვენს ქვეყანაში არჩევნების დღემ ჩაიარა მშვიდობიანად,

სამწუხაროა, რომ დათვლის პროცესში გამოჩნდა რამდენიმე სერიოზული სამარათალდარღვევა მათ შორის  აგრესიული ქმედებები იყო.  ეს არის არამარტო სამწუხარო არამედ ამ პროვოკაციულ შემთხვევებს,რომლებიც რამდენიმე უბანზე მოხდა სჭირდება დროული, ძალიან სწრაფი რეაგირება განსაკუთრებით იმის გათვალისწინებით, რომ 2016 წლის საპარლამენტი არჩევნები არ არის მხოლოდ 8 ოქტობმებრი, ეს არჩევნები შეფასდება როგორც  8 ოქტომბრით ასევე ექსცესებზე დროული რეაგირებით და იმით თუ როგორ მივალთ არჩვნების მეორე ტურებამდე და როგორ ჩავატარებთ მეორე ტურებს.

წინასწარი მონაცემებით, არაერთი მეორე ტური იქნება და ყველას კიდევ ერთხელ გთხოვთ, აქტიური იყოთ , მეორე ტურებზეც.  ამომრჩველმა აჩვენოს თავისი ინტერესი და ჩართულობა ამ პროცესში ისევე როგორც ეს აჩვენა 8 ოქტომბერს“,-განაცხადა მარგველაშვილმა.

პრეზიდენტმა შესაბამის სტრუქტურებს არჩევნებში დარღვევებზე დროული  რეაგირებისკენ მოუწოდა.

„ყველამ ერთად არ დავიშუროთ ძალისხმევა იმისთვის რო ეს არჩევნები შევიდეს  საქართველოს ისტორიაში როგორც ერთ-ერთი ყველაზე მაღალი ხარისხისა და სტანდარტის არჩვნები“,-დასძინა პრეზიდენტმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნება ხალხს ცხოვრებას კიდევ ერთხელ უძვირებს - ეს სოციალური ტერორის გზაა

4 ოქტომბრის საქმეზე მსჯავრდებულებს, მურთაზ ზოდელავას, ლაშა ბერიძეს, ირაკლი ჩხვირკიასა და გური ჟვანიას საპროცესო შეთანხმება გაუფორმდათ

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა