საქართველოს იუსტიციის მინისტრმა გაერთიანებული ერების ორგანიზაციის დელეგაცია მიიღო, რომელსაც ხუან მენდეზი ხელმძღვანელობს.

იუსტიციის სამინისტროს ინფორმაციით, წამებისა და არაადამიანური მოპყრობის საკითხებში გაერო-ს სპეციალურ წარმომადგენელს თეა წულუკიანი ესაუბრა.

საუბრის ძირითადი თემა ქვეყანაში მართლმსაჯულების სფეროში განხორციელებული რეფორმები იყო. დელეგაციის წევრები თავისუფლების აღკვეთის ადგილებში ადამიანის უფლებების დაცულობის ხარისხითაც დაინტერესდნენ.

შეხედრას იუსტიციის მინისტრის მოადგილეები ალექსანდრე ბარამიძე და გოჩა ლორთქიფანიძე ესწრებოდნენ.

ცნობისთვის, გაერთიანებული ერების ორგანიზაციის დელეგაცია საქართველოს დღეს − 12 მარტს, ეწვია. ხუან მენდეზმა უკვე გამართა შეხვედრები საქართველოს საგარეო საქმეთა მინისტრთან, საქართველოს პარლამენტის ადამიანის უფლებათა დაცვისა და სამოქალაქო ინტეგრაციის, აგრეთვე, იურიდიული კომიტეტის თავმჯდომარეებთან, სასამართლო ხელისუფლების წარმომადგენლებთან.  შეხვედრებია დაგეგმილი მთავარ პროკურატურაში; შინაგან საქმეთა  და შრომის, ჯანმრთელობისა და სოციალური დაცვის; სასჯელაღსრულებისა და პრობაციის  სამინისტროებში; სახალხო დამცველის ოფისში.

ვიზიტის ფარგლებში დელეგაციის წევრები ძველ თბილისს დაათვალიერებენ და ეროვნულ მუზეუმს ეწვევიან.

გაერთიანებული ერების ორგანიზაციის დელეგაცია საქართველოს 20 მარტს დატოვებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული