აფხაზურ მხარესთან მოლაპარაკებების შედეგი არი ის, რომ სინათლე გვაქვს, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა პაატა ზაქარეიშვილმა აფხაზეთში, ენგურჰესის საკითხზე, ქართველი და აფხაზი ენერგეტიკოსების  შეხვედრასთან დაკავშირებით განაცხადა.

მისი თქმით, ყველაზე მდგრადი და ძველი ურთიერთობები აფხაზურ მხარესთან, სწორედ ენგურჰესთან არის დაკავშირებული.

„პირველი კონტაქტი, რაც მოხდა მას შემდეგ, როცა საქართველოს ხელისუფლებას მოუწია აფხაზეთის ტერიტორიის დატოვება. 2013 წელს პირველ კონტაქტში მეც ვმონაწილოებდი და ეს მოხდა სწორედ ენგურჰესთან დაკავშირებით იმიტომ, რომ მაშინ, ქართველ ინჟინრებს მოუწიათ იქაურობის დატოვება, გაჩერდა ენგურჰესი და ეს ძალიან სერიოზული პრობლემა გახდა მაშინ. პირველ კონტაქტი შედგა ენგურჰესთან დაკავშირებით და ქართველი ინჟინრები დაუშვეს. მას შემდეგ 21 წელი გავიდა. თამამად შემიძლია გითხრათ, რომ რეგულარულად ხდება ქართულ და აფხაზურ მხარეებს შორის ენგურჰესთან დაკავშირებით შეხვედრები. ყველაზე მდგრადი კონტაქტები, სწორედ ენგურჰესთან დაკავშირებითაა აფხაზურ მხარესთან. ამ შეხვედრების შედეგი არის ის, რომ ჩვენ გვაქვს სინათლე, ენგურჰესი მუშაობს და ეკუთვნის საქართველოს“, - განაცხადა ზაქარეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული