ნატოს ქვეყნების თავდაცვის მინისტრებმა მხარი დაუჭირეს ალიანსის ბატალიონების განთავსებას როტაციის პრინციპით ლატვიაში, ლიტვაში, ესტონეთსა და პოლონეთში.

ამის შესახებ შესახებ ჩრდილო ატლანტიკური ალიანსის გენერალურმა მდივანმა იენს სტოლტენბერგმა განაცხადა.

მისი თქმით, ნატომ გადაწყვიტა გააძლოეროს მისი ყოფნა ამ ქვეყნების წინა ხაზზე.

ნატოში აშშ-ის წარმომადგენლის დუგლას ლუტეს განცხადებით კი, ეს ბატალიონები დაკომპლექტდება 800-1000 ადამიანით და ისინი შეიცვლებიან ყოველ ექვს-ცხრა თვეში ერთხელ, ამ ტერიტორიებზე მუდმივი ყოფნის პირობით.

ოთხი ქვეყნიდან სამი, რომლებიც დააკომპელქტებენ აღნიშნულ ბატალიონებს იქნება აშშ, გერმანია და დიდი ბრიტანეთი - ნატოს ყველაზე მაღალი რანგის წევრები. ბატალიონების ესტონეთთში, ლიტვაში, ლატვიასა და პოლონეთში განთავსება 2017 წლიდან დაიწყება.

შეგახსენეთ, რომ ცოტა ხნის წინ რუსეთის საგარეო უწყების პირველმა პირმა სერგეი ლავროვმა განაცხადა, რომ რუსეთი არ აპირებს ნატოს რომელიმე ქვეყანას თავს დაესხას:

"ვფიქრობ, ეს ნატოშიც კარგად იციან, უბრალოდ ისინი ჩვენ ფაქტორს იყენებს იმისთვის, რომ რაც შეიძლება მეტი სამხედრო ბატალიონი განათავსონ ჩვენ მეზობლად", - განაცხადა რუსმა დიპლომატმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის