ექს-პრემიერი: მურუსიძეს ისეთ კონტექსტში ატრიალებენ, თითქოს მას პირდაპირი წვლილი მიუძღვის გირგვლიანის მკვლელობაში

2016-06-14 12:50:28, 536 ნახვა

პოლიტიკა

ყოფილი პრემიერ-მინისტრის ბიძინა ივანიშვილის განცხადებით, ლევან მურუსიძის თემა ხელოვნურად ანგაჟირებულია, რომლის მიზანი სასამართლოს დისკრედიტაციაა.

როგორც პრესკონფერენციაზე ივანიშვილმა აღნიშნა, „მურუსიძის თემას ისეთ კონტექსტში ატრიალებენ, თითქოს მას პირდაპირი წვლილი მიუძღვის გიორგვლიანის მკვლელობაში“.

„მოსახლეობას მინდა,შევახსენო ხელოვნურად ანგაჟირებულია მურუსიძის თემა, მიზანია სასამართლოს დისკრედიტაცია. გირგვლიანი პირდაპირი მნიშვნელობით მოკლეს, მოკლეს პოლიციელებმა. მურუსიძეს ისეთ კონტექსტში ატრიალებენ,თითქოს მას პირდაპირი წვლილი მიუძღვის მკვლელობაში. აშკარად ანგაჟირებულია ეს თემა და მიანიშნებს იმაზე რომ მურუსიძემ თავი დააღწია „ნაცმოძრაობას“ და მათ ეს არ მოსწონთ“, - განაცხადა ბიძინა ივანიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან