საქართველოს პრეზიდენტმა გიორგი მარგველაშვილმა შეხვედრა ევროპული კომისიის პირველ ვიცეპრეზიდენტთან ფრანს ტიმერმანსთან გამართა.

შეხვედრისას მხარეებმა საქართველოსა და ევროკავშირს შორის თანამშრომლობისა და საქართველოს ევროინტეგრაციის პროცესის შემდგომი გაღრმავების საკითხები განიხილეს.

გიორგი მარგველაშვილის განცხადებით, ასოცირების შეთანხმების რატიფიცირების დასრულების შესახებ ევროკავშირის საგარეო ურთიერთობათა საბჭოს გადაწყვეტილების შემდეგ, საქართველო შეთანხმების მყისიერ ამოქმედებას ელის.

აღინიშნა, რომ ევროინტეგრაციის დღის წესრიგში არსებული გადამწყვეტი რეფორმების იმპლემენტაციის პროცესში, ჩვენთვის სასიცოცხლო მნიშვნელობის იყო ევროკავშირის მხარდაჭერა და დახმარება.

ქართულმა მხარემ შეხვედრისას აღნიშნა, რომ საქართველო უდიდეს მნიშვნელობას ანიჭებს ევროკავშირის როლსა და მის წვლილს საერთაშორისო მშვიდობისა და უსაფრთხოების დამყარების საკითხებში.  გიორგი მარგველაშვილმა განსაკუთრებული ყურადღება საქართველოს ოკუპირებულ რეგიონებში შექმნილ ვითარებაზე გაამახვილა. საქართველო განსაკუთრებით შეშფოთებულია საოკუპაციო რეჟიმის წარმომადგენლების მიერ, საქართველოს ცენტრალური ხელისუფლების მიერ კონტროლირებად ტერიტორიაზე, მიმდინარე წლის 19 მაისს განხორციელებული მკვლელობის ფაქტის გამო. აღინიშნა, რომ საქართველოსათვის განსაკუთრებული მნიშვნელობა აქვს ევროკავშირის ადგილზე ჩართულობას ევროკავშირის სადამკვირვებლო მისიის ფარგლებში, რომელიც საქართველოში მშვიდობისა და სტაბილურობის ერთადერთ საერთაშორისო მექანიზმად და ძირითად გარანტორად რჩება.

შეხვედრისას საქართველოს პრეზიდენტმა კიდევ ერთხელ დაადასტურა, რომ ჩვენი ქვეყანა ევროპული და ევროატლანტიკური მისწრაფების მტკიცედ ერთგული რჩება და ასოცირების შეთანხმების ეფექტიანი იმპლემენტაციის გზით აძლიერებს ძალისხმევას ევროკავშირთან პოლიტიკური გაერთიანებისა და ეკონომიკური ინტეგრაციისათვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის