ზაფხულში, ევროპასთან  უვიზო მიმოსვლის ამოქმედების შანსები, ფაქტობივად არ არსებობს, ამის შესახებ „ექსპრესნიუსს“ ფონდ „ღია საზოგადოება - საქართველოს“ ევროინტეგრაციის მიმართულების ხელმძღვანელმა ვანო ჩხიკვაძემ განუცხადა.

მისი შეფასებით, ყველაზე ოპტიმისტური პროგნოზით, შეიძლება, უვიზო მიმოსვლა წლის ბოლოდან ამოქმედდეს.

"უახლოეს მოამვალში, კონკრეტულად ზაფხულში, ევროპასთან  უვიზო მიმოსვლის ამოქმედების შანსები, ფაქტობივად არ არსებობს. ბევრი რამ მომავალ საპარლამენტო არჩევნებზე იქნება დამოკიდებული. ყველაზე ოპტიმისტური პროგნოზით, შეგვიძლია  ვივარაუდოთ, რომ წლის ბოლოს ამოქმედებბა უვიზო მიმოსვლა", - აცხადებს ვანო ჩხიკვაძე.

შეგახსენებთ, ევროკავშირის საბჭო საქართველოსთვის სავიზო რეჟიმის გაუქმების საკანონმდებლო ინიციატივას ხვალ განიხილავს. საკითხის განხილვა ევროკავშირის იუსტიციისა და შინაგან საქმეთა მინისტრების შეხვედრაზე იგეგმება. ბოლო ორ შეხვედრაზე საქართველოსთვის ვიზალიბერალიზაციის მინიჭეის საკითხებზე მინისტრები ვერ შეთანხმდნენ.

გერმანული მედიის ცნობით, პროცესს გერმანული მხარე ამუხრუჭებს, ვინაიდან მათ მიაჩნიათ, რომ გერმანიაში ქართველი კრიმინალებისგან შემდგარი ჯგუფები მომძლავრებულია, საქართველოსთვის ვიზალიერალიზაციის მინიჭების საკითხი კი ვითარებას კიდევ უფრო დაამძიმებს.

ცნობისთვის, ევროკომისიამ საქართველოს მოქალაქეებისათვის სავიზო რეჟიმის გაუქმების საკანონმდებლო ინიციატივა ევროკავშირის საბჭოსა და ევროპარლამენტს მარტში წარუდგინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის