საქართველოს მთავრობამ ყველა ნაბიჯი უნდა გადადგას იმისთვის, რომ კორცხელის მსგავსი ინციდენტები თავიდან აიცილოს, - ამის შესახებ  ევროკავშირის საბჭოს პრეზიდენტმა, დონალდ ტუსკმა საქართველოს პრეზიდენტ გიორგი მარგველაშვილთან შეხვედრის შემდეგ განაცხადა.

ტუსკი იმედოვნებს, საქართველოს ხელისუფლება ყველაფერს გააკეთებს ღირსეული და ინკლუზური სარჩევნო გარემოს უზრუნველყოფისთვის.

"ჩვენ ვისაუბრეთ ოქტომბერში დაგეგმილი საქართველოს საპარლამენტო არჩევნებზე. ბოლო ინფორმაცია ოპოზიციური პარტიის წარმომადგენლების წინააღმდეგ ძალადობის შესახებ შემაშფოთებელია ჩემთვის. მივესალმები იმ ფაქტს, რომ კანონდამრღვევებს ბრალი წაუყენეს. ახლა ყველა ნაბიჯი უნდა იყოს გადადგმული, რათა მსგავსი ინციდენტები თავიდან იქნას აცილებული საარჩევნო პერიოდში. მადლობა, ბატონო პრეზიდენტო, თქვენი მკაფიო და მტკიცე პოზიციისთვის ამ ინციდენტთან დაკავშირებით. ეს ძალიან დამაიმედებელია.

საპარლამენტო არჩევნები იქნება მნიშვნელოვანი ტესტი საქართველოს დემოკრატიის გაძლიერებისთვის. ველოდებით, რომ საქართველოს ხელისუფლება ყველაფერს გააკეთებს ღირსეული და ინკლუზური სარჩევნო გარემოს უზრუნველყოფისთვის. ამისთვის მნიშვნელოვანი წინაპირობაა თავისუფალი და პლურალისტული მედია. კმაყოფილებით აღვნიშნე არჩევნებზე დამკვირვებლების ჩართვის გეგმები", - განაცხადა ევროკავშირის საბჭოს პრეზიდენტმა.

დონალდ ტუსკმა გიორგი მარგველაშვილს საქართველოს სუვერენიტეტისა და ტერიტორიულ მთლიანობასადმი  კიდევ ერთხელ ევროკავშირის მხარდაჭერა დაუდასტურა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის