პარლამენტის ადამიანის უფლებათა დაცვის და რეგიონული თვითმმართველობის კომიტეტებმა სააარჩევნო სისტემის ე.წ.გერმანულ მოდელს მხარი არ დაუჭირეს.

საარჩევნო კოდექსში შესატანი ცვლილებები კომიტეტების გაერთიანებულ სხდომაზე დღეს განიხილეს.

აღნიშნულ ინიციატივას ადამიანის უფლებათა დაცვის კომიტეტში 1 მომხრე და 7 მოწინააღმდეგე ჰყავდა, რეგიონული პოლიტიკისა და თვითმმართველობის კომიტეტეში პროექტს მხარი ერთმა დეპუტატმა დაუჭირა, 6 კი, წინააღმდეგი იყო.

შეგახსენებთ, ოპოზიცია ითხოვს, 2016 წლის არჩევნებზე ე.წ. გერმანული მოდელი დაინერგოს. კანონპროექტი ინტერპარტიულმა ჯგუფმა შეიმუშავა. მას მხარი დაუჭირა საპარლამენტო ოპოზიციამაც.

ცნობისთვის, ე.წ. გერმანულ მოდელში შენარჩუნებულია მაჟორიტარული არჩევნები, თუმცა სადეპუტატო მანდატების საბოლოო განაწილება მიბმულია პროპორციულ არჩევნებზე. ასე მაგალითად, თუ პარტია პროპორციულ არჩევნებში აიღებს ამომრჩეველთა ხმების 50%-ს (რაც 150-მანდატიან პარლამენტში 75 სადეპუტატო ადგილის მოპოვებას ნიშნავს) და პარალელურად, მოიგებს მაჟორიტარულ არჩევნებს 60 ოლქში, მაშინ ის 60 ადგილს შეავსებს მაჟორიტარების ხარჯზე, საარჩევნო პროპორციული სიიდან კი მხოლოდ პირველ 15 ადამიანს გაიყვანს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის