საქართველოს პრეზიდენტ გიორგი მარგველაშვილის  განცხადებით,  სლოვაკი კოლეგის საქართველოში  ვიზიტი ორ ქვეყანას შორის  თანამშრომლობისთვის მნიშვნელოვანი იმპულსის მიმცემი იქნება.

მარგველაშვილმა სლოვაკ კოლეგასთან ერთად გამართულ პრესკონფერენციაზე აღნიშნა ის ფაქტი, რომ სლოვაკეთის პრეზიდენტი საქართველოში  ბიზნესმენების ჯგუფთან ერთად ჩამოვიდა. გარდა ამისა,   გიორგი მარგველაშვილმა   ანდრეი კისკას  საქართველოს   ევროპულ და ევროატლანტიკურ  სტრუქტურებში  ინტეგრაციის პროცესის შეუქცევადი  მხარდაჭერისთვის მადლობა გადაუხადა.

„ ჩემთვის დიდი პატივია, რომ შედგა პირველი ისტორიული ვიზიტი სლოვაკეთის პრეზიდენტისა საქართველოში. ეს ვიზიტი იქნება მნიშვენლოვანი  იმპულსის მიმცემი ჩვენს ქვეყნებს შორის  თანამშრომლობისათვის.

გვქონდა ძალიან თბილი, მეგობრული შეხვედრა შარშან, როდესაც მე თქვენ გეწვიეთ. ეს მეგობრული შეხვედრა გაგრძელდა დღესაც და ჩვენ შევთანხმდით იმ ძირითად სტრატეგიულ მიმართულებებზე, რომელსაც ტრადიციულად ჩვენ ვავითარებდით ერთობლივ ფორმატებში. მადლობა მიდა გითხრათ მტკიცე მხარდაჭერისთვის საქართველოს ევროპული და ევროატლანტიკური ინტეგრაციის კონტექსტში.

მიმაჩნია, რომ თქვენი ევროკავშირის  პრეზიდენტობა, რომელიც ცოტახანში  იწყება, ერთ თვეში, იქნება  მნიშვნელოვანი შესაძლებლობა საქართველოსთვის, რომ უფრო გააღრმაოს  ჩვენი ევროპული ინტეგრაციის ტემპი. ძალიან სასიამოვნოა, რომ ჩამობრძანდით სლოვაკი ბზინესმენების ჯგუფთან ერთად“,-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის