სიტყვა დიასპორა ერთის მხრივ შეიძლება, შეიცავდეს ტკივილსაც, სევდასაც, მაგრამ ამავე დროს დიდი პოტენციის და სულიერი ძალის  მატარებელია, როგორც ჩვენი ქვეყნისთვის,  ასევე დიასპორის წარმომადგენლებისთვის, - ამის შესახებ საქართველოს პრეზიდენტმა, გიორგი მარგველაშვილმა თბილისში მიმდინარე დიასპორის ფორუმზე სიტყვით გამოსვლისას განაცხადა.

მარგველაშვილის თქმით, არა ერთი  უმნიშვნელოვანესი პიროვნება, რომელიც ქმნიდა ქვეყნის თვითმყოფადობას საქართველოს გარეთ, დიასპორის წარმომადგენელი იყო. 

„ჩვენ ვიცით, რომ შოთა მოღვაწეობდა იერუსალიმში, დავით გურამიშვილი ცხოვრობდა უკრაინაში. სულხან-საბას მიერ შექმნილ ძირითად ნაწარმოებს  თუ შევხდევათ,  ის ელჩი იყო, ათეულობით წელს ატარებდა საქართველოს გარეთ. ისინი არა მარტო ინარჩუნებდნენ ქართველობასა და თვითმყოფადობას, არამედ ქმნიდნენ კიდევაც ამ თვითმყოფადობას. ჩვენ გვჯერა, რომ იმ ადამიანებს შორის, ვინც დღეს საქართველოს ფარგლებს გარეთ მოღვაწეობს, არიან ისეთები, რომლებიც  ქართულ თვითმყოფადობას შექმნიან“, - აღნიშნა გიორგი მარგველაშვილმა.

როგორც პრეზიდენტმა აღნიშნა, მნიშვნელოვანია ის მუშაობა, რასაც ახორციელებს დიასპორის სამინისტრო.

„მხარდაჭერა მინდა გამოვუხატო  იმ მოქალაქებს, რომლებსაც ყველა დედაქალაქში ვხვდები ხოლმე. ნაწილობრივ ვიცი ის სირთულეები, რაც დგას დიასპორის  წინაშე. ნაწილობრივ მაქვს ამ სირთულეების მოგვარების შესაძლებლობა და მინდა, გითხრათ, ისევე როგორც საქართველოს მოქალაქეებს, მიგულეთ თქვენს თანამებრძოლად ქვეყნის განვითარების საქმეში“, - განაცხადა მარგველაშვილმა.

ცნობისთვის, ფორუმს ესწრებიან საქართველოს პრემიერ-მინისტრი, საქართველოს კათოლიკოს-პატრიარქი და მთავრობის წევრები.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის