საქართველოს მთავრობა ყველაფერს აკეთებს იმისთვის, რომ ხურჩაში მომხდარი მკველობაში დამნაშავე იყოს დასჯილი, - ამის შესახებ საქართველოს საგარეო საქმეთა მინისტრმა, მიხეილ ჯანელიძემ ჟურნალისტებს განუცხადა.

მინისტრის თქმით, ხვალ იგეგმება გალში ინციდენტების პრევენციისა და მათზე რეაგირების მექანიზმის შეხვედრის გამართვა და ყველა საკითხი იქ დაისმევა.

„ველოდებით შესაბამის რეაგირებას უკვე ამ მექანიზმის ფარგლებში. საქართველოს მთავრობას, ყველა შესაბამის სტრუქტურას არცერთი წუთით არ დაუგვიანია შესაბამისი ქმედება და ნაბიჯი. ჩვენ იმედს ვიტოვებთ, რომ ყველა ეს პროცესი და ინსტრუმენტი, რომელიც ჩვენ ავამოქმედეთ საერთაშორისო პარტნიორების მხარდაჭერით, შევძლებთ, რომ დამნაშავე იყოს დასჯილი და შესაბამისად, კანონის მიხედვით აგოს პასუხი იმ საშინელი დანაშაულისთვის, რომელიც ჩაიდინა”, - განაცხადა ჯანელიძემ.

შეგახსენებთ, ფორმატის აღდგენის საკითხი დღის წესრიგში ხურჩაში მომხდარი ტრაგედიის შემდეგ დადგა, რა დროსაც საქართველოს მოქალაქე გიგა ოთხოზორია ე.წ. მოსაზღვრეებმა მოკლეს. ფორმატის აღდგენის შესახებ განცხადება სამი დღის წინ აშშ-ის ელჩმა საქართველოში იან კელიმაც გააკეთა. ამაზე ისაუბრა ბრიტანეთის ელჩმა საქართველოში ალექსანდრა ჰოლ-ჰოლიმაც.

მისი აღდგენის აუცილებლობაზე „ექსპრესნიუსთან“ საუბრისას განცხადება პარლამენტის საგარეო კომიტეტის თავმჯდომარე თედო ჯაფარიძემაც გააკეთა. დეპუტატს ასევე მიაჩნია, რომ ე.წ. საზღვრებთან ქართული ბლოკპოსტებიც უნდა აღდგეს, მან ამ ინიციატივით შესაბამის უწყებებს მიმართა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის