გოგი თოფაძის მიერ გაკეთებული განცხადება არც სამართლებრივად, არც ადამიანურად, და არც მორალურად გამართლებული არ არის, - ასე გამოეხმაურა „საერთაშორისო გამჭვირვალობა - საქართველოს“ თავმჯდომარე ეკა გიგაური ხურჩაში მომხდარ შემთხვევასთან დაკავშირებით საპარლამენტო უმარვლესობის წევრ გოგი თოფაძის მიერ გაკეთებულ განცხადებას.

მისივე თქმით, ყველაფერი უნდა გაკეთდეს, რომ მოქალაქეები იყვნენ დაცული.

„ეს განცხადება იყო ძალიან მძიმე, ამ განცხადების გამართლება არც სამართლებრივად, არც ადამიანურად და არც მორალურად არ შეიძლება. ჩვენ დღეს ყველაფერი უნდა გავაკეთოთ, რომ ჩვენი მოქალაქეები იყვნენ დაცული, ეს ადამიანები არიან ისინი, ვინც ცხოვრობს ოკუპირებულ ტერიტორიებთან ახლოს და ყოველდღიურად შეიძლება გახდნენ ოკუპანტების მსხვერპლნი. შესაბამისად, სახელმწიფო აპარატი მთლიანად მოქალაქეების დაცვისკენ უნდა იყოს მიმართული. ასეთი ტიპის განცხადება არც მორალურად, არც ადამიანურად გამართლებული არ არის“, - განაცხადა ეკა გიგაურმა.

ცნობისთვის, გუშინ ხურჩაში, საოკუპაციო ხაზთან მომხდარ მკვლელობაზე საუბრისას ”მრეწველების” ლიდერმა გოგი თოფაძემ PALITRANEWS-ის გადაცემაში ”360 გრადუსი” სტუმრობისას შოკისმომგვრელი განცხადება გააკეთა.

„მოხდა ფაქტი ძალიან სამწუხაროა, იმ ოჯახს ალბათ პატივი უნდა ვცეთ, რაღაც გავაკეთოთ. ერთი კაცი მოკვდა, კი, ქართველია, ძალიან საწყენია, მაგრამ ამ დონეზე ატანა, აყვანა არ მგონია დღეს საჭირო იყოს“, - განაცხადა თოფაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის