”ერთიანი ნაციონალური მოძრაობის” დეპუტატ ირმა ნადირაშვილის განცხადებით, დღეს ყველამ იცის რას ნიშნავს "ქართული ოცნებისთვის" ხმის მიცემა.

მისი შეფასებით, ეს ნიშნავს, ხმის მიცემას კობა ტყეშელაშვილისთვის, ნოშრევან წურწუმიასთვის, გიგა ტყემალაძისთვის, გეგეშიძისთვის, გიგაურისთვის და ქართველი ამომრჩეველი არ დაუშვებს, რომ ამ ბნელ ძალას დაუჭიროს მხარი, რომლის სათავეშიც კახა კალაძეა. ის ქირაობს დარბაზს და წვრთნის ამ ადამიანებს.

„ჯონი ბელქანია, ზვიად ჯგერენაია, დათო აბულაძე, მანუჩარ ქარდავა, თენგო ჭანია, ლექსო ლაშხია, დიმა ლაშხია, ნუკრი ლაშხია, ლელა ქებურია და სხვები - ეს არიან ის ადგილობრივები, რომლებიც კორცხელში კალაძის გამოგზავნილმა ბანდფორმირებამ სცემა. მათგან დიდი ნაწილი დღესაც საავადმყოფოში წევს.

ეს საშინელი სისხლის ღვრა ახალი დამთავრებული იყო, როდესაც უბანზე ერთი ქალბატონი მოვიდა და მან პირდაპირ თქვა, რომ "ქართული ოცნების" მხარდამჭრი იყო, მაგრამ ამ ფაქტის შემდეგ აღარ აპირებდა რომ ამ პოლიტიკური ძალისთვის მიეცა ხმა. მან ყველას დაანახა როგორ შემოხაზა ხუთიანი. ამ ქალის საქციელმა კორცხელში მოგების რწმენა განმიმტკიცა. ჩვენ მოვიგებთ 8 ოქტომბრის არჩევნებს. ეს იციან ჩემმა კოლეგებმა უმრავლესობაში და სწორედ ამითაა გამოწვეული მათი მძიმე ნერვული ფონი“, - განაცხადა ნადირაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის