„ქართულმა ოცნებამ წინასაარჩევნო პერიოდში აირჩია მისი წინამორბედის - „ნაციონალური მოძრაობის“ მიერ დანერგილი და აპრობირებული ძალადობრივი გზა, - ასე გამოეხმაურა ზუგდიდის მუნიციპალიტეტ, სოფელ კორცხელში მომხდარ დაპირისპირებას ‘დემოკრატიულ მოძრაობის“ ლიდერი ნინო ბურჯანაძე.

პარტიის თავმჯდომარის თქმით, „ქართული ოცნება“ წინა ხელისუფლების ძალადობრივ პოლიტიკას აგრძელებს.

„ქართულმა ოცნებამ“ წინასაარჩევნო პერიოდში აირჩია მისი წინამორბედის - „ნაციონალური მოძრაობის“ მიერ დანერგილი და აპრობირებული ძალადობრივი გზა. ის რაც გუშინ მოხდა იყო აბსოლუტურად მიუღებელი, ვის მიმართაც არ უნდა იყოს ის და ეს იყო ქართული ოცნების უსუსურობის, არაპროფესიონალიზმის და „ქართული ოცნების“ განაცების გზის მაჩვენებელი,“ - აცხადებს ნინო ბურჯანაძე.

შეგახსენებთ, გუშინ ზუგდიდში, კორცხელის საარჩევნო უბანთან ფიზიკური დაპირპისრება მოხდა. განვითარებული მოვლენების დროს, ფიზიკური დაზიანება მიიღეს „ერთიანი ნაციონალური მოძრაობის“ წარმომადგენლებმა და „ქართული ოცნების“ აქტივისტებმა. მედიით გავრცელებული კადრებიდან ჩანს, რომ თავდამსხმელები იყენებდნენ ხელკეტებსაც. ინციდენტის დროს აღნიშნულმა პირებმა ფიზიკური შეურაცხყოფა მიაყენეს მედია საშუალებების წარმომადგენლებსაც, ან ხელი შეუშალეს მათ ჟურნალისტური საქმიანობის განხორციელებაში.

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს. როგორც ცნობილია, ამ დრომდე არავინ დაუკავებიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის