საქართველოს პარლამენტის თავმჯდომარე დავით უსუფაშვილი გუშინ კორცხელის 53-ე  საარჩევნო უბანზე მომხდარ ძალადობრივ ქმედებებს ბიუროს სხდომაზე გამოეხმაურა.

უსუფაშვილის თქმით, ყველა  ვინც კუნთებით შეეცდება არჩევნებში გამარჯვებასა და პრობლემების მოგვარებას,  ყველაზე მწარედ დამარცხდება.

"ძალადობის ფაქტებმა ყველა ერთნაირად შეგვაშფოთა და აგვაშფოთა. მინდა მკაფიოდ განვაცხადო, რომ ყველა, ვინც კუნთებით შეეცდება არჩევნებში გამარჯვებას, წააგებს თავს და ვინც ძალადობის გზით შეეცდება პრობლემების მოგვარებას, ყველაზე მეტად და ყველაზე მწარედ დამარცხდება. ეს არ არის ჩემი ანალიზი, რჩევა, გაფრთხილება, ეს არის ჩემი, როგორც პარლამენტის თავმჯდომარის დაპირება, ვინაიდან მე მჯერა, რომ დღეს აქ, ამ დარბაზშიც, პარლამენტშიც და მთლიანად საქართველოში, გაცილებით მეტი ვართ ანტიზონდერები, ვიდრე ზონდერები და კონტრზონდერები.

ზონდერებსა და კონტრზონდერებს შორის  განსხვავებას ვერ და არ გავაკეთებ. ყველა, ვინც ძალადობრივი გზით ცდილობს უპირატესობის მოპოვებას, ემსახურება იმას, რომ დაასუსტოს ჩვენი ქვეყანა. ამიტომ, საჭიროა აბსოლუტურად უკომპრომისო დამოკიდებულება ამ საკითხებისადმი. ყოველგვარი საუბარი იმის თაობაზე, რომ ერთ მხარეს იყო 4 ჯოხი, მეორე მხარეს 2 ქვა, აქედან იყო  4 მუშტი, იქიდან ერთი, არასწორი საუბარია და არავითარ შემთხვევაში ამ საუბარში არ უნდა ჩავებათ და უნდა ვიცოდეთ, რომ თუ ზოგადად მზად ავრთ, ვცემოთ პოლიტიკური ოპონენტი, მაშინ ამას ან საკუთარი ინიციატივით გავაკეთებთ, ან ვინმე თავს გვაცემინებს, ამიტომ, საჭიროა არ ვიყოთ მზად პოლიტიკური ოპონენტის საცემლად და ძალადობრივი გზით გასასწორებლად", - განაცხადა დავით უსუფაშვილმა.

შეგახსენებთ, გუშინ ზუგდიდში, კორცხელის საარჩევნო უბანთან ფიზიკური დაპირპისრება მოხდა. განვითარებული მოვლენების დროს, ფიზიკური დაზიანება მიიღეს „ერთიანი ნაციონალური მოძრაობის“ წარმომადგენლებმა და „ქართული ოცნების“ აქტივისტებმა. მედიით გავრცელებული კადრებიდან ჩანს, რომ თავდამსხმელები იყენებდნენ ხელკეტებსაც. ინციდენტის დროს აღნიშნულმა პირებმა ფიზიკური შეურაცხყოფა მიაყენეს მედია საშუალებების წარმომადგენლებსაც, ან ხელი შეუშალეს მათ ჟურნალისტური საქმიანობის განხორციელებაში.

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს. როგორც ცნობილია, ამ დრომდე არავინ დაუკავებიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის