„ეს იყო ხალხი, რომელიც სპეციალურად ჩავიდა ხალხის საცემად და ზსუტად იცოდნენ ვინ უნდა ეცემათ“, - ასე გამოეხმაურა „რესპუბლიკური პარტიის“ წევრი ლევან ბერძენიშვილი სამეგრელოში, სოფელ კორცხელში მომხდარ ინციდენტს.

ბერძენიშვილის თქმით, ძალადობის ყველანაირი გამართლება არის დაუშვებელი.

„ყველანაირი გამართლება ძალადობისა არის  დაუშველებლი. ის, რომ გუშინ კალაძე  არასწორად ლაპარაკობდა და კობახიძე, რომ წარმოუდგენლად არასწორად ლაპარაკობდა, ჩემში არ იწვევს არანაირ ეჭვს. მაგრამ იმედი მაქვს, რომ მარტო ისინი არ არიან, ალბათ  ემოციურად იყვნენ გუშინ. პარტია გააკეთებს ალბათ სათანადო განცხადებას. ის იყო ხალხი, რომელიც სპეციალურად ჩავიდა  ხალხის საცემად  და ზუსტად იცოდნენ, ვინ უნდა ეცემათ“, - განაცხადა ლევან ბერძენიშვილმა.

შეგახსენებთ, გუშინ ზუგდიდში, კორცხელის საარჩევნო უბანთან ფიზიკური დაპირპისრება მოხდა. განვითარებული მოვლენების დროს, ფიზიკური დაზიანება მიიღეს „ერთიანი ნაციონალური მოძრაობის“ წარმომადგენლებმა და „ქართული ოცნების“ აქტივისტებმა. მედიით გავრცელებული კადრებიდან ჩანს, რომ თავდამსხმელები იყენებდნენ ხელკეტებსაც. ინციდენტის დროს აღნიშნულმა პირებმა ფიზიკური შეურაცხყოფა მიაყენეს მედია საშუალებების წარმომადგენლებსაც, ან ხელი შეუშალეს მათ ჟურნალისტური საქმიანობის განხორციელებაში.

შინაგან საქმეთა სამინისტრომ მომხდარ ფაქტზე გამოძიება სისხლის სამართლის კოდექსის 125-ე მუხლით დაიწყო, რაც ცემას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის