”თავისუფალი დემოკრატები” ხელმოწერების შეგროვებას იწყებენ და პრეზიდენტს პეტიციით მიმართავენ, ე.წ. კაბელების საქმეზე დაკავებულები შეიწყალოს, - ამის შესახებ „თავისუფალი დემოკრატების“ ლიდერმა ირაკლი ალასანიამ მთავარ პროკურატურასთან მიმდინარე აქციაზე განაცხადა.

 „სხვადასხვა რეგიონებში და თბილისში, პრეზიდენტის სახელზე, ჩვენ ვაწერთ ხელს პეტიციას იმისათვის, რომ ეს ბიჭები გაათავისუფლონ. ვიცით, რომ ბატონი პრეზიდენტი ამ გადაწყვეტილებას უცებ ვერ მიიღებს, მაგრამ დარწმუნებული ვარ, რომ ის შეისწავლის ამ საკითხს და ჩვენს ბიჭებს გამოუშვებენ“, - განაცხადა ალასანიამ.

მისივე თქმით, დემოკრატიულ ქვეყანაში ქვეყნის სამსახური არ უნდა ისჯებოდეს და ეს ოქტომბრის არჩევნების შემდეგ, აუცილებლად დასრულდება.

„საქართველო და ქართველი ხალხი აუცილებლად იხსნის ტყვეობიდან ამ ბიჭებს, რომლებიც ერთი კაცის ნებით და პოლიტიკური ზეწოლით, ციხეში აღმოჩნდნენ. მე სიცოცხლეს გავიწირავ თქვენთან ერთად, რომ ეს ადამიანები ოჯახებს დაუბრუნდნენ“, - განაცხადა ალასანიამ.

ცნობისთვის, მთავარ პროკურატურასთან „თავისუფალი დემოკრატების“ მიერ ორგანიზებული საპროტესტო აქცია ამ დროისთვის დასრულებულია. აქციაზე ასობით ადამიანმა ე.წ. კაბელების საქმეზე დაკავებულებისთვის გამოტანილი განაჩენი გააპროტესტა.

შეგახსენებთ, თბილისის საქალაქო სასამართლომ ე.წ. კაბელების საქმეზე ბრადებულებს 7-7 წლიანი პატიმრობა შეუფარდა. ე.წ. კაბელების საქმეზე ხუთი ბრალდებულია - ნუგზარ კაიშაური, დავით წიფურია, არჩილ ალავიძე, გიორგი ლობჟანიძე და გიზო ღლონტი. გამოძიება მათ თანხების გაფლანგვას ედავება.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის