2026-09-07 18:05:45, 273 ნახვა

---

ტუსკი- პოლონეთში მხოლოდ იდიოტებს ან მოღალატეებს შეუძლიათ გაიხარონ „ალტერნატივა გერმანიისთვის“ ტრიუმფით

გერმანიის მეზობელმა ქვეყნებმა და მსოფლიოს სხვა ქვეყნებმა განსხვავებულად რეაგირება მოახდინეს ულტრამემარჯვენე „ალტერნატივა გერმანიისთვის“ (AfD) საქსონია-ანჰალტის სახელმწიფო არჩევნებში გამარჯვებაზე, იუწყება DW.

პოლონეთში „მხოლოდ იდიოტებს ან მოღალატეებს შეუძლიათ გაიხარონ „ალტერნატივა გერმანიისთვის“ ტრიუმფით“, - წერს პოლონეთის პრემიერ-მინისტრი დონალდ ტუსკი. ის წარმოადგენს ლიბერალურ სამოქალაქო კოალიციას და ოპოზიციური პარტიების „კონფედერაცია“ და „კანონი და სამართლიანობა“ კონსერვატორები დაადანაშაულა AfD-ს მხარდაჭერაში.

მეზობელ ჩეხეთში, დეპუტატთა პალატის თავმჯდომარემ, ტომიო ოკამურამ, მიულოცა AfD-ს წარმატება. „უპირველეს ყოვლისა, იმედი მაქვს, რომ ის საქსონია-ანჰალტის ახალი სამთავრობო კოალიციის ნაწილი იქნება“, - განაცხადა პოლიტიკოსმა.

საფრანგეთის საგარეო საქმეთა სამინისტროს ევროპული საკითხების მინისტრმა დელეგატმა ბენჯამინ ჰადადმა ამას „რთული მომენტი ევროპისთვის“ უწოდა. „ჩვენ უნდა მოვუსმინოთ და ვუპასუხოთ რისხვას, შფოთვასა და შიშს. მაგრამ ნაციონალიზმი და ქსენოფობია არასდროს იქნება გამოსავალი“, - ხაზგასმით აღნიშნა ჰადადმა. „ჩვენ არ უნდა დავივიწყოთ ჩვენი ისტორია“, - აღნიშნა მინისტრმა.

---

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

---

დღის თემა

მთავარი თემა

ინტერვიუ - ექსკლუზივი