გარემოს დაცვისა და სოფლის მეურნეობის სამინისტროს მხარდაჭერითა და სოფლის განვითარების სააგენტოს ორგანიზებით, ჩინეთში, ქალაქ შენჭენში გამართულ საერთაშორისო გამოფენაზე SIAL SHENZHEN ქართული ნაციონალური პავილიონი პირველად მოეწყო. 

სოფლის განვითარების სააგენტოს დირექტორის პირველი მოადგილე გიორგი ფანცულაია და დირექტორის მოადგილე ნატალია ხარატიშვილი ჩინეთში საერთაშორისო გამოფენაზე SIAL SHENZHEN იმყოფებოდნენ. 

„ქართული სტენდზე, რომელიც ქალაქ შენჭენში საერთაშორისო გამოფენაზე პირველად არის წარმოდგენილი, ექვსი ქართული კომპანია  თავის პროდუქციას წარადგენს. ვიმედოვნებთ, რომ ისინი წარმატებას მიაღწევენ გამოფენის ფარგლებში დაგეგმილ საქმიან მოლაპარაკებებში. სოფლის განვითარების სააგენტო გააგრძელებს აქტიურ მხარდაჭერას იმისათვის, რომ  ჩვენი კომპანიები, ფერმერები წარმოვადგინოთ საუკეთესო ფორმით“, - განაცხადა სოფლის განვითარების სააგენტოს დირექტორის მოადგილემ, ნატალია ხარატიშვილმა. 

საერთაშორისო გამოფენაში მონაწილეობდნენ კომპანიები: შპს NUTSGE, შპს ნათს ინქორფორეითიდ,  რ/კ რუისპირი, შპს აქვა გეო, შპს ჯეონატურალსი, შპს ვინიტორი მუკუზნის მეღვინეობა. ვიზიტორებს საშუალება ჰქონდათ გასცნობოდნენ  ქართული  წარმოების თხილს, კაკალს, ღვინოს, წყალსა და საკონსერვო ნაწარმს. 

2024 წელს გამოფენაში  SIAL SHENZHEN მონაწილეობა მიიღო 15 000-ზე მეტმა  კომპანიამ 45-მდე ქვეყნიდან. წარმოდგენილი იყო 25-მდე საერთაშორისო პავილიონი. გამოფენას 70-ზე მეტი ქვეყნიდან  67 000-ზე მეტი ვიზიტორი ესტუმრა. 

აღსანიშნავია, რომ გარდა შენჭენისა (SHENZHEN), SIAL გამოფენები ტარდება მსოფლიოს ისეთ ქალაქებში, როგორებიცაა პარიზი, მონრეალი, ტორონტო, შანხაი, ნიუ-დელი, კუალა-ლუმპური  და ჯაკარტა. აღსანიშნავია, რომ ჩინეთში SIAL გამოფენები 2000 წლიდან ტარდება. 

ინფორმაციას გარემოს დაცვისა და სოფლის მეურნეობის სამინისტრო ავრცელებს. 

ავტორი: NS (სტატია დაფინანსებულია),

სოციალური ქსელები

ბოლო კვირის განმავლობაში რუსეთ-საქართველოს საზღვარი 113 000-ზე მეტმა ადამიანმა გადაკვეთა

ღარიბაშვილის საქმეზე წინასასამართლო სხდომა 19 ოქტომბერს გაიმართება

კაიმანის კუნძულებზე არსებული კომპანიიდან "თანაინვესტირების ფონდის" აქტივები ეკატერინე ხვედელიძის სახელზე გადაფორმდა

წინასასკოლო კამპანიის ფარგლებში, თიბისი და Mastercard საერთაშორისო შოპინგზე განსაკუთრებული შეთავაზებებს გთავაზობენ