2022-03-17 14:18:21, 792 ნახვა
მსოფლიო
ჩერნიგოვის მერის განცხადებით, ქალაქი ჰუმანიტარული კატასტროფის ზღვარზე დგას
რუსი ოკუპანტების თავდასხმის შედეგად, უკრაინის ქალაქი ჩერნიგოვი ჰუმანიტარული კატასტროფის წინაშე აღმოჩნდა. იქ უკვე რამდენიმე დღეა არ არის გათბობა, ელექტროენერგია და წყალი. პროდუქტებისა და წამლების მარაგი ნელ-ნელა იწურება.
აღნიშნულის შესახებ ჩერნიგოვის მერმა, ვლადისლავ არტოშენკომ უკრაინულ მედიასთან ინტერვიუში განაცხადა.
მანვე აღნიშნა, რომ ქალაქი ნაწლავური დაავადებების გავრცელების საფრთხის წინაშე დგას - შეუძლებელია სანიტარული პირობების დაცვა, რადგან ქალაქს არ მიეწოდება წყალი, როგორც ცივი, ასევე ცხელი, რადგან არ არის ელექტროენერგია.
ამასთანავე, ქალაქის მერმა აღნიშნა, რომ თითქმის ყველა ინფრასტრუქტურული ობიექტი განადგუებულია რუსი ოკუპანტების მიერ.
ავტორი: ექსპრესნიუსი,
epn.ge (@expressnews.ge)
