ჩინეთის ხელისუფლების განცხადებით, პირველი სექტემბრიდან ქალაქ ვუჰანში სკოლები და ბაღები გაიხსნება.

ამის შესახებ ინფორმაციას „როიტერსი“ ავრცელებს.

ადგილობრივი მთავრობის ცნობით, შემოდგომის სემესტრის დაწყებისთანავე, ქალაქის მასშტაბით 2 842 საგანმანათლებლო დაწესებულება აპირებს კარი გახსნას თითქმის 1,4 მილიონი სტუდენტისთვის.

თუკი ქალაქში ეპიდსიტუაცია რისკის შემცველი გახდება, ონლაინ სწავლებაზე გადასვლის შემთხვევაში საგანგებო გეგმები უკვე შედგენილია. 

ადგილობრივი ხელისუფლება სტუდენტებსა და სკოლის მოსწავლეებს ქალაქში ნიღბების ტარებას ურჩევს. ამასთან, მათივე რეკომენდაციაა, რომ ისინი შეძლებისდაგვარად მოერიდონ საზოგადოებრივ ტრანსპორტს.

სკოლებმა ყოველდღიურად უნდა წარუდგინონ ანგარიში ჯანდაცვის ორგანოებს.

ინფორმაციისთვის, ჩინეთის ცენტრალური ქალაქი, სადაც სავარაუდოდ, COVID-19 წარმოიშვა, იანვრის ბოლოდან ორ თვეზე მეტი ხნის განმავლობაში ჩაკეტილი იყო. ქალაქში  დაღუპულთა რიცხვი 3,869-ს შეადგენს, რაც მთლიანად, ჩინეთში კორონავირუსით გარდაცვლილთა  80%-ს აღემატება.

ვუჰანი ცხოვრების ჩვეულ რეჟიმს აპრილიდან დაუბრუნდა, მას შემდეგ, რაც ქალაქში კარანტინი მოიხსნა. 18 მაისიდან დღემდე, ქალაქში კოვიდ 19-ის შიდა გადაცემის არცერთი შემთხვევა არ დადასტურებულა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

პოპულარულმა ამერიკულმა ხელოვნური ინტელექტის სისტემამ რუსული ანგარიშების გათიშვა დაიწყო

უკრაინა მოსკოვში აღლუმის დასაცავად საჰაერო თავდაცვის გარეშე დარჩენილი რუსეთში ობიექტების დაბომბვისთვის ემზადება

ელენე ხოშტარია - რეალური ზეწოლის პირობებში ოცნება უკან იხევს

ამირან გამყრელიძე დიუშენის კუნთოვანი დისტროფიით დაავადებული ბავშვების მკურნალობასთან დაკავშირებით რეკომენდაციას ავრცელებს