კორონავირუსის შემთხვევების მატების გამო, ევროკავშირი სულ მცირე ორი კვირის განმავლობაში საზღვრებს ჩაკეტავს.

ამის შესახებ ინფორმაციას Bloomberg-ი სანდო წყაროზე დაყრდნობით ავრცელებს.

გამოცემის ცნობით, ევროკავშირმა, შესაძლოა, უსაფრთხო ქვეყნების სია შეამციროს და იქიდან ალჟირი და მაროკო ამოიღოს.

როგორც Bloomberg-ი წერს, აღნიშნულ საკითხზე გადაწყვეტილებას ევროკავშირის წევრი სახელმწიფოების დიპლომატები ოთხშაბათს, დაგეგმილ შეხვედრაზე მიიღებენ.

აღსანიშნავია, რომ ევროკავშირი აპირებს, წევრ სახელმწიფოებში შესვლა აუკრძალოს კანადის, ჩინეთის, იაპონიის და სამხრეთ კორეის მოქალაქეებს. ეს სახელმწიფოები იმ 13 უსაფრთხო ქვეყანას შორის არიან, რომელთა მოქალაქეებსაც ევროკავშირის ტერიტორიაზე ჩასვლა შეუძლიათ.

გარდა ამისა, „მწვანე ქვეყნების“ სიაში, რომლებისთვისაც ევროკავშირმა საზღვრები პირველ ეტაპზე გახსნა, შედიან: საქართველო, ავსტრალია, ახალი ზელანდია, რუანდა, ტაილანდი, ტუნისი, ურუგვაი, კანადა, ჩინეთი, იაპონია და სამხრეთ კორეა.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის