დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ქვეყანაში გამოვლენილი კორონავირუსის 24 ახალი შემთხვევა პანიკის საფუძველს არ გვაძლევს, თუმცა საყურადღებოა.

მისი თქმით, მოსახლეობაში მოდუნდა ყურადღება და შეიქმნა ილუზია, რომ დავამარცხეთ კორონავირუსი, თუმცა მისი დამარცხება მხოლოდ გლობალურადაა შესაძლებელი.

„დღეს გახლავთ 24 შემთხვევა. პანიკის საფუძველი, რა თქმა უნდა, არ არის, მაგრამ ეს არის ფრიად საყურადღებო. ეს გარკვეულწილად პროგნოზირებადი იყო იმ თვალსაზრისით, რომ ნებისმიერ შემსუბუქების პოლიტიკას და ყველა ქვეყანაში ასე გახლდათ, მოსალოდნელია, რომ შემთხვევათა რაოდენობამ იმატოს. მთავარია ეს მატება იყოს კონტროლირებადი და მართვადი. დღეს ქვეყანაში ეს პროცესი არის სრულად მართვადი, ამიტომ მოსახლეობას არანაირი პანიკის საფუძველი არ აქვს. ხაზს ვუსვამ, რომ ჩვენთან მოსახლეობაში მოდუნდა ყურადღება და შეიქმნა ილუზია, რომ ჩვენ დავამარცხეთ კორონავირუსი. არა ბატონებო, ჩვენ არ დაგვიმარცხებია, კორონავირუსული პანდემიის დამარცხება მოხდება მხოლოდ ერთიანად, გლობალურად. ეს ვერ მოხდება ცალ-ცალკე ქვეყნებში. კორონავირუსი არის ჩვენთან ერთად და ჩვენ ვცხოვრობთ მასთან ერთად.

განსაკუთრებულად ცხელი წერტილი დღეს ჩვენ გვაქვს ქვემო ქართლის რეგიონში, გარდაბნის მუნიციპალიტეტში ე.წ. გაჩიანის დასახლება, სადაც სამი სოფელი შედის: ყარაჯალარი, ახთაკლია და ყარათაკლია. აქედან ორ სოფელში, ყარაჯალარსა და ყარათაკლიაში გვაქვს შემთხვევების ყველაზე მეტი რაოდენობა, ერთად აღებული 34. დღევანდელი 24 შემთხვევიდან 10 სწორედ ამ კლასტერიდან გახლავთ“, - განაცხადა ამირან გამყრელიძემ.

შეგახსენებთ, რომ საქართველოში კორონავირუსის 24 ახალი შემთხვევა გამოვლინდა.

ავტორი: ექსპრესნიუსი,

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის