აშშ-ში შავი ჭირის შემთხვევა დაფიქსირდა

2020-07-18 11:15:30, 6839 ნახვა

მსოფლიო

ამერიკის შეერთებულ შტატებში, ადამიანში შავი ჭირის ბუბონური სახეობის შემთხვევა დაფიქსირდა.

ამის შესახებ ინფორმაციას Fox News ავრცელებს.

მისივე ცნობით, ქვეყანაში შავი ჭირის შემთხვევა ბოლოს 2015 წელს დაფიქსირდა.

„პაციენტს სისხლში აღმოაჩნდა სეპტიკური ჭირი, რომელიც სხვა ადამიანებზე არ ვრცელდება. ადამიანი, რომელსაც შავი ჭირი აღმოაჩნდა უკვე გამოჯანმრთელდა, ხოლო ქვეყანაში სხვა მსგავსი შემთხვევა არ გამოვლენილა“, - ნათქვამია სახელმწიფო ჯანდაცვის დეპარტამენტის განცხადებაში.

სახელმწიფო ვეტერინარული სამსახურის უფროსის, ჯენიფერ ჰაუსის განცხადებით, ამერიკაში ბუბონური შავი ჭირის შემთხვევები 1940-იანი წლებიდან აღინიშნება, ამიტომ შეშფოთების საფუძველი არ არსებობს.

ცნობისთვის, ბოლო პერიოდში შავი ჭირის შემთხვევები ჩინეთსა და მონღოლეთშიც დაფიქსირდა.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,