2020-06-16 11:13:36, 13694 ნახვა

---

თბილისის ინფექციურ საავადმყოფოში კორონავირუსის დიაგნოზით 31 პაციენტი მკურნალობს, 10-მა გამოჯანმრთელებულმა კლინიკა დატოვა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, მათ კლინიკაში კორონავირუსის დიაგნოზით 31 პაციენტი მკურნალობს.

მისი თქმით, 10-მა გამოჯანმრთელებულმა კლინიკა დატოვა.

„20 ახალი გამოჯანმრთელებულიდან 10 ჩვენი ცენტრიდანაა. გუშინ ათივე მათგანმა დატოვა კლინიკა. ამ ეტაპზე 31 დადასტურებული პაციენტი მკურნალობს ჩვენთან. რჩება 1 მძიმე პაციენტი, რომლის დინამიკაც დადებითია. ვიმედოვნებთ, რომ ხვალიდან შესაძლებელი იუქნება, რომ ისიც ამოღებულ იქნას მძიმე პაციენტთა სიიდან. ამის შემდეგ დაგვრჩება მხოლოდ საშუალო და მსუბუქი სიმძიმის პაციენტები“, - განაცხადა მარინა ეზუგბაიამ.

ცნობისთვის, ბოლო 24 საათის განმავლობაში, საქართველოში კორონავირუსის ახალი შემთხვევა არ გამოვლენილა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი