2020-05-25 11:00:56, 14161 ნახვა

---

ბოჭორიშვილის სახელობის კლინიკაში კორონავირუსით ინფიცირებული 33 პაციენტი მკურნალობს

ბოჭორიშვილის სახელობის კლინიკის დირექტორის, კახა იშხნელის განცხადებით, მათ კლინიკაში კორონავირუსით ინფიცირებული 33 პაციენტი მკურნალობს.

მისივე თქმით, კლინიკაში სამი პაციენტის მდგომარეობა არი საშუალო სიმძიმის, ხოლო რეანიმაციაში არც ერთი კოვიდ ინფიცირებული პაციენტი არ ჰყავთ.

„ჩვენს კლინიკაში გამოყოფილ კოვიდსივრცეში 46 პაციენტია განთავსებული, მათგან 11 არასრულწლოვანია, 33 არის დადასტურებული კოვიდი. საბედნიეროდ, ახალი შემთხვევები არ გვაქვს. სამი პაციენტი არის საშუალო სიმძიმის. რეანიმაციაში პაციენტები აღარ გვყავს. მოზარდების ჯანმრთელობის მდგომარეობა მსუბუქია, ველოდებით მათ გამოჯანმრთელებას“, - განაცხადა კახა იშხნელმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი