2020-05-21 10:46:13, 12559 ნახვა

---

ბოჭორიშვილის კლინიკაში COVID-19-ის დიაგნოზით დედა-შვილი შეიყვანეს, ისინი სომხეთის მოქალაქეები არიან

ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარის, მაკა სოლოღაშვილის განცხადებით, მათ კლინიკაში COVID-19-ის დიაგნოზით დედა-შვილი შეიყვანეს, ისინი სომხეთის მოქალაქეები არიან.

მისი თქმით, კლინიკის რეანიმაციულ განყოფილებაში მკურნალობას მხოლოდ ერთი პაციენტი აგრძელებს.

„აკადემიკოს ვახტანგ ბოჭორიშვილის კლინიკაში, დღეს ბოქსირებულ სექტორში მკურნალობს 51 პაციენტი. აქედან დადასტურებული დიაგნოზით მკურნალობს 41 პაციენტი. გვაქვს 3 გამოჯანმრთელება. შემოვიდა 2 ახალი დადასტურებული დიაგნოზით პაციენტი, დედა-შვილი და არიან საკარანტინე სივრციდან, ისინი სომხეთის მოქალაქეები არიან. ერთი პაციენტი გადავიდა რეანიმაციიდან და რეანიმაციაში მკურნალობას აგრძელებს მხოლოდ 1 პაციენტი. მისი მდგომარეობა სტაბილურია. 4 პაციენტი რჩება საყურადღებო. 18 წლამდე ასაკის პაციენტებიდან 12 ბავშვი გვყავს დადასტურებული დიაგნოზით“, - განაცხადა მაკა სოლოღაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი