მსოფლიო ვაჭრობა, სავარაუდოდ, 13%-დან 32% –მდე დაიწევს, რადგან კორონავირუსის პანდემია ნორმალურ ეკონომიკურ საქმიანობას აფერხებს, - ნათქვამია მსოფლიო სავაჭრო ორგანიზაციის მიერ გამოქვეყნებულ ყოველწლიურ სავაჭრო ანგარიშში.

WTO- ს ეკონომისტები მიიჩნევენ, რომ ვაჭრობის ამგვარი შემცირება, სავარაუდოდ, აღემატება 2008 წლის გლობალური ფინანსური კრიზისის შედეგად გამოწვეულ ვაჭრობის შემცირებას.

აღსანიშნავია ისიც, რომ 2019 წელს ვაჭრობის მთლიანი მოცულობა უკვე შემცირდა 0,1% -ით.

ორგანიზაციაში არნიშნავენ, რომ თითქმის ყველა რეგიონი დაზარალდება  2020 წელს, ხოლო ჩრდილოეთ ამერიკიდან და აზიადან ექსპორტი თანდათან შემცირდება.

WTO- მ დასძინა, რომ ვაჭრობის მოცულობა შეიძლება გამოსწორებულიყო 2021 წელს, მაგრამ ეს ჯერ კიდევ კითხვის ნიშნის ქვეშ რჩება, რადგან ეს საკითხი დიდწილად დამოკიდებულია იმაზე, თუ  ვირუსის გავრცელების ხანგრძლივობა და ასევე, მის წინააღმდეგ რეაგირება როგორი მასშტაბის იქნება.

„ვაჭრობისა და პროდუქციის წარმოუდგენელმა შემცირებამ შეიძლება მავნე შედეგები მოუტანოს შინამეურნეობებსა და ბიზნესს”, - განაცხადა WTO– ს გენერალურმა დირექტორმა რობერტო აზევდესომ და ქვეყნებს მოუწოდა, რომ ერთად იმუშაონ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ჯორდან ბარდელამ ულტრამემარჯვენე პარტია „ეროვნული გაერთიანების“ ლიდერად არჩევნებში ხმების თითქმის 99% მიიღო

ევროპარლამენტის ვიცე-პრეზიდენტმა ოლეშკიში ჰუმანიტარული ოპერაციის შემდეგ შიმშილობა შეწყვიტა

ინაშვილი - ჩუბინიძის დაკავება აღიქმება, რომ ყველას დავიჭერთ, ვისაც კობახიძე არ მოსწონს

ნიკა გვარამია - პარტიები კი არა, პოლიტიკა უქმდება და ყველა ცვლილების არხი იხშობა - ხვალ, თსუ-ის პირველ კორპუსთან, ვიწყებთ პროტესტის